Xəstəliklərə Nəzarət və İctimai Səhiyyə Milli Mərkəzinin direktor müavini Paatа İmnadzenin sözlərinə görə, qotur xəstəliyinin hallarının artımı müşahidə edilmir və narahat olmağa səbəb yoxdur.

Onun dediyinə görə, il ərzində təkcə Gürcüstanda yox, Avropa ölkələrində də əhalinin təxminən 1%-də bu xəstəlik müşahidə olunur. Hazırda Gürcüstanda da eyni göstəricilər mövcuddur. Mütəxəssislər bildirirlər ki, qoturun müalicəsi asandır və xəstəlik dəri ilə birbaşa, uzunmüddətli təmas zamanı yayılır.

“Qotur xəstəliyi hər il olur, artım yoxdur, hər kəsdə yarana bilər və panikaya ehtiyac yoxdur.

Qotur gənə (parazit) səbəbindən yaranan xəstəlikdir. Əsas simptomu şiddətli qaşıntıdır.

O, yalnız dəri ilə dəriyə uzunmüddətli təmasla keçir, lakin bəzən paltar, dəsmal və yataq dəsti vasitəsilə də yoluxa bilər.

Müalicə çox asandır – xüsusi məlhəmlərlə aparılır.

Profilaktika məqsədilə yoluxmuş şəxslə təmasdan, həmçinin başqasının dəsmalından, paltarından və yataq dəstindən istifadə etməkdən çəkinmək lazımdır.

Müalicə yalnız xəstəyə deyil, onun bütün ailə üzvlərinə və yaxın təmasda olan şəxslərə də aparılmalıdır,” – deyə İmnadze bildirib.

Sosial şəbəkələrdə ölkədə qaşınma hallarının artdığı barədə məlumatlar yayılıb. Vətəndaşlar bildirirlər ki, xəstəlik məktəblərdə və uşaq bağçalarında da qeydə alınıb.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.