Dövlət qurumları və bəzi özəl subyektlər veb-saytlarını və mobil tətbiqlərini əlilliyi olan şəxslər üçün əlçatan və adaptasiya olunmuş vəziyyətə gətirməyə məcbur olacaqlar.

Belə bir öhdəlik 2027-ci ildən qüvvəyə minəcək.

Bu, “Əlilliyi olan şəxslərin hüquqları haqqında” qanuna planlaşdırılan dəyişikliklərdə nəzərdə tutulub və qanun layihəsi parlament tərəfindən birinci oxunuşda qəbul edilib.

Layihəni “Gürcü Arzusu” fraksiyasının deputatları hazırlayıblar.

Layihəyə görə, qanunla birbaşa müəyyən edilir ki, inzibati orqanlar və bəzi özəl hüquqi subyektlər veb-saytlarını və mobil tətbiqlərini əlilliyi olan şəxslər üçün əlçatan etmək öhdəliyinə malikdirlər.

Qanun layihəsi özəl subyektlərin siyahısını müəyyən edir və həmin subyektlərin fəaliyyət göstərdiyi sahələri göstərir:

• təhsil
• səhiyyə
• sosial müdafiə
• nəqliyyat
• kommunal xidmətlər
• bankçılıq
• poçt xidməti
• sığorta
• həmçinin əczaçılıq və ərzaq satışı sahələri

Layihəyə görə, bu öhdəlik veb-saytlar və mobil tətbiqlər vasitəsilə “üçüncü şəxslər tərəfindən təqdim olunan və geniş kütləyə yönəlmiş müqavilə təkliflərinin (oferta dəvəti) toplanması və yayılması” fəaliyyəti ilə məşğul olan şəxslərə də şamil olunur. Təşəbbüskarların izahına görə, bu kateqoriyaya yerli bazarda misal olaraq Biletebi.ge, tkt.ge, Jobs.Ge, myhome.ge veb-saytları daxildir.

Layihəyə görə, veb-sayt və mobil tətbiq öhdəliyi aşağıdakı şəxslərə şamil edilmir:

audiovizual media xidməti təminatçıları və yayımın tranziti üzrə səlahiyyətli şəxslər
2027-ci il yanvarın 1-dək yayımlanmış və məzmunu dəyişməyən (arxivləşdirilmiş) veb-sayt və mobil tətbiqlər

Hökumət texniki reglamentlə veb-sayt və mobil tətbiq üçün əlçatanlıq standartını müəyyən edəcək. Həmçinin, hökumət müəyyən edəcək ki, hansı materiallara bu reglament tətbiq edilməyəcək.

Layihənin müəllifi İnsan Hüquqları üzrə Komitənin sədri Rati Ionatamişvilidir.

 

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.