Gürcüstanda dabaq xəstəliyinin qarşısının alınması məqsədilə transsərhəd regional simulyasiya təlimi keçirilir. Təlimin birinci mərhələsi Ətraf Mühitin Mühafizəsi və Kənd Təsərrüfatı nazirinin müavini, Gürcüstanın baş baytarlıq müfəttişi Laşa Avalianinin rəhbərliyi ilə təşkil olunub.

Milli Qida Agentliyinin baytar həkimləri qonşu ölkələrin baytarlıq xidmətlərinin və beynəlxalq təşkilatların nümayəndələri ilə birlikdə fövqəladə hallar zamanı tətbiq olunan protokolları və ölkələr arasında əlaqələndirilmiş reaksiya mexanizmlərini müzakirə edirlər.

Təlimin ikinci mərhələsi sahə tədbirlərini əhatə edir və eyni vaxtda Gürcüstan və Ermənistanda keçirilir. Marneuli bələdiyyəsində gürcü və xarici baytar mütəxəssislərdən ibarət qrup fermalardan birində simulyasiya təlimi aparır. Təlim çərçivəsində heyvanların klinik müayinəsi, nümunələrin götürülməsi və epidemioloji araşdırmalar həyata keçirilir. Xüsusi diqqət isə biotəhlükəsizlik qaydalarına əməl olunmasına yönəldilir.

Mütəxəssislərin sözlərinə görə, dabaq cütdırnaqlı heyvanların virus mənşəli, hava-damcı yolu ilə yayılan yoluxucu xəstəliyidir. Lazımi tədbirlər görülmədiyi təqdirdə, xəstəliyin yayılması mal-qaranın kütləvi yoluxmasına və heyvandarlıq sektorunda ciddi iqtisadi zərərlərə səbəb ola bilər.

Mövcud risklər, o cümlədən qonşu ölkələrdə xəstəlik hallarının qeydə alınması, heyvanların köçəri üsulla saxlanılması, mal-qara köçürmə marşrutlarının və heyvan bazarlarının mövcudluğu nəzərə alınaraq, dabağa qarşı pulsuz vaksinasiya Şərqi Gürcüstanın bütün regionlarında, eləcə də Samtsxe-Cavaxeti və Acarıstan Muxtar Respublikasında kütləvi şəkildə aparılır.

Qərbi Gürcüstanda – İmereti, Quriya və Sameqrelo –Yuxarı Svaneti regionlarında isə vaksinasiya risk zonalarında olan mal-qara, həmçinin Abxaziya Muxtar Respublikası və Samaçablo ilə sərhəd kəndlərində yaşayan əhalinin heyvanları arasında həyata keçirilir.

Milli Qida Agentliyinin məlumatına görə, iribuynuzlu və xırdabuynuzlu heyvanların pulsuz vaksinasiyası ildə iki dəfə aparılır. Bununla yanaşı, heyvanların hərəkətinə nəzarət edilir və biotəhlükəsizlik məntəqələrində onların sağlamlıq vəziyyəti daimi monitorinq altında saxlanılır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.