Marneuli meriyası 9 küçənin bərpası işlərinin satın alınması üçün 4 880 226 lari dəyərində tender elan edib.

Layihə Algeti, 9 Aprel, 9 Qardaş, Aslanov, Axundov, Beritaşvili, Uiarağo, Qarqaraşvili və Candar küçələrinin bərpasını əhatə edir.

“Tender sənədlərinə əsasən, layihəyə daxil edilən yollar Marneuli bələdiyyəsinin yaşayış məntəqələrində, düzənlik relyefdə yerləşir. Layihənin məqsədi mövcud yol infrastrukturunu yaxşılaşdırmaq, hərəkət təhlükəsizliyini

artırmaq və sakinlərin rahat hərəkətini təmin etməkdir”, – tender sənədində yazılıb.

Sənəddə vurğulanır ki, sözügedən yollar mühüm funksiyanı yerinə yetirir. Belə ki, bu yollar vasitəsilə layihə ərazilərində yaşayan əhali həm magistral yola, həm də ölkənin digər regionlarına çıxış əldə edirlər.

“Hazırda yolların örtüyü çınqıllıdır, lakin onlar ciddi şəkildə zədələnib və çuxurlarla doludur. Bu səbəbdən yolların tam bərpası, texniki parametrlərinin yaxşılaşdırılması, yeni yol örtüyünün çəkilməsi və müasir təhlükəsizlik elementləri ilə təchiz edilməsi planlaşdırılır”, – tender sənədində qeyd olunub.

Tender sənədlərinə əsasən, layihənin həyata keçirilməsi avtomobil nəqliyyatının təhlükəsiz hərəkətinə və əhalinin sosial-iqtisadi şəraitinin yaxşılaşmasına töhfə verəcək.

Tenderdə iştirak etmək istəyən şirkətlər müraciətlərini 12-17 iyun tarixləri arasında təqdim edə biləcəklər. Qalib şirkət müqavilə imzalandıqdan sonra işləri 180 təqvim günü ərzində başa çatdırmalıdır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.