Gürcüstan Energetika və Su Təchizatı üzrə Milli Tənzimləmə Komissiyasının (SEMEK) məlumatına görə, “Mamedi” MMC-nin təbii qazın paylanması üzrə lisenziyasının ləğv edilməsi məqsədilə ictimai inzibati icraata başlanılıb.

Komissiyanın bildirdiyinə görə, “Mamedi” MMC-nin lisenziya ərazisi Marneuli bələdiyyəsinin Qızılacılı kəndini əhatə edir. SEMEK-in açıqlamasına görə, lisenziyanın ləğvi əhalinin təbii qazla təminatında hər hansı fasiləyə səbəb olmayacaq və istehlakçılar qazı fasiləsiz şəkildə almağa davam edəcəklər.

SEMEK-in məlumatına əsasən, lisenziyanın ləğvi şirkətin lisenziya şərtlərini yerinə yetirməməsinə görə planlaşdırılır.

Belə ki, şirkət aldığı təbii qaza görə yığılıb qalmış borclarını ödəməyib. Bu isə təbii qaz təchizatının dayandırılmasına səbəb olub.

Bununla yanaşı, komissiyanın açıqlamasında qeyd olunur ki, Qızılacılı kəndində məişət istehlakçıları üçün müəyyən edilmiş tarif ƏDV daxil olmaqla 47 tetri olduğu halda, “Mamedi” MMC istehlakçılardan özbaşına şəkildə 57 tetri tarif tətbiq edib. Həmin faktla bağlı araşdırma müvafiq istintaq orqanları tərəfindən aparılır.

SEMEK-in məlumatına görə, maraqlı tərəflər öz rəy və təkliflərini 24 iyul 2026-cı il tarixinədək təqdim edə bilərlər. Hüquqi aktın qəbul edilməsi üçün son tarix isə 24 sentyabr 2026-cı il olaraq müəyyən edilib.

Qızılacılı kəndinə təbii qazın verilməsi 9 iyun tarixindən dayandırılmışdı. SEMEK-in müraciətindən sonra “SOCAR Gas Export-Import” şirkəti kəndə qaz təchizatını bərpa edib. Komissiya qazın dayandırılmasının səbəbi kimi “Mamedi” MMC-nin yığılıb qalmış borclarını və qanunvericiliklə nəzərdə tutulmuş öhdəlikləri yerinə yetirməməsini göstərib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.