İaşvili adına Mərkəzi Uşaq Xəstəxanasının tibbi direktoru, TDU-nun
professoru İvane Çxaidze
“İnterpressNews”a müsahibəsində bildirib ki, məktəbləri distant
rejimə keçirmək lazım deyil, lakin dərslərin başlaması yoluxma
sürətini artıra bilər.
Onun qeyd etdiyi kimi, respirator virusların pik həddi keçib,
baxmayaraq ki, onların sayı yanvar-fevral aylarında arta bilər.
“Distant təhsilə keçmək tövsiyəsi yoluxmuş insanların
sayından asılıdır. Aydındır ki, ölkəmizdə kəskin respirator
virusların pik həddi keçib. Xəstəliklərə Nəzarət Milli Mərkəzinin
bizə verdiyi məlumatlarda aydın olur ki, biz artıq təqvimin 46-cı
həftəsində ölkədə pik dövrünü yaşadıq və noyabrın sonundan etibarən
qripə bənzər xəstəliklərin yayılması azalıb.
Təbii ki, yanvar-fevral aylarında qripə bənzər halların artması
mümkündür. Bugünkü məlumatlara görə, pik artıq keçib, buna görə də
məktəblərin distant rejimə keçirilməsinə ehtiyac yoxdur, lakin
dərslərin başlaması yoluxma nisbətini artıra bilər, ümid edirəm ki,
faciəli olmayacaq. Qeyd etmək lazımdır ki, vaksinasiya
tövsiyələrdən biri olaraq qalır. Risk qrupuna aid olanlara peyvənd
etmək tövsiyə olunur”, - deyə İvane Çxaidze qeyd
edib.