Bazar ertəsi bir neçə avropalı nazir Avropa Şurasını gürcü və
moldovalı oliqarxlara sanksiyalar tətbiq etməyə çağırıb.
Bu barədə “Politico” yazıb.
Fransanın xarici işlər naziri Ketrin Kolonna Avropa Şurasının
xarici işlər nazirləri ilə görüşdən sonra deyib:
"Bu
iki ölkə sabitliyin pozulması təhlükəsi ilə üz-üzədir və bu, bizim
böyük ehtiyatlılığımızı tələb edir".
Məlumat üçün bildirək ki, iki həftə əvvəl Tbilisidə nümayişçilər
“Agentlər haqqında qanun layihəsi”nin geri çağırılması tələbi ilə
etiraz aksiyaları keçiriblər. “Gürcü arzusu” qanun layihəsini
dəstəkləyib. Qeyd edək ki, Gürcüstan prezidenti Salome Zurabişvili
də hakim partiyanı Rusiya ilə sıx münasibətlərdə ittiham edib.
Partiyanın təsisçisi keçmiş baş nazir Bidzina İvanişvilidir, o,
sərvətinin böyük hissəsini 90-cı illərdə Rusiyada toplayıb.
Estoniyanın xarici işlər naziri Urmas Reinsalunun sözlərinə görə,
Avropa Şurası Moldovanın rusiyayönlü oliqarxlarına qarşı
sanksiyalar tətbiq etməyə borcludur.
Xatırladırıq ki, Moldovaya ötən ilin iyununda Ukrayna ilə birlikdə
Aİ-yə namizəd statusu verilib - və Gürcüstan namizəd statusu
verilməzdən əvvəl oliqarxların siyasi və iqtisadi təsirinin
məhdudlaşdırılması da daxil olmaqla islahatlar həyata keçirməli
olacaq.