Marneuli bələdiyyəsinin Baydar kəndində yeni təmirdən çıxmış məktəb istifadəyə verilib və tədris prosesi bərpa olunub.

Məktəbin açılış mərasimində təhsil, elm və gənclər naziri Aleksandre Tsuladze iştirak edib. Nazir müavini Qiorqi Cinçaradze, Marneuli meri Kənan Ömərov, Bələdiyyə Məclisinin sədri Amiran Qiorqadze və dövlət prokurorunun müavini Nika Kobaxidze də Baydarda olublar.

Dövlət qurumları təhsil ocağının açılması ilə bağlı “Marneuli” radiosuna məlumat verməyib.

Meriya tərəfindən yayılan materialda oxuyuruq ki, məktəbdə tədris məkanları ilə yanaşı, elm və kompüter laboratoriyaları, akt zalı, açıq, qapalı idman infrastrukturu, istirahət məkanları var. Bundan əlavə, resurs otağı, həkim məntəqəsi, yeməkxana və kitabxana fəaliyyət göstərir.

“Məktəb təhlükəsizlik sistemləri ilə təchiz olunub və fiziki imkanları məhdud olan insanlar üçün tam uyğunlaşdırılıb. Bərpa işləri Təhsil və Elm İnfrastrukturunun İnkişafı Agentliyi tərəfindən aparılıb. Baydar ictimai məktəbi 400 şagird üçün nəzərdə tutulub”, – meriya yazır.

Təhsil ocağında aparılan abadlıq işləri zamanı Baydar məktəbinin şagirdləri Kürtlər ictimai məktəbində təhsil alırdılar. Baydar məktəbi ilə yanaşı Qardabani 1 saylı məktəbinin də açılışı olub.

Məktəblərdə bərpa işləri Təhsil və Elm Agentliyi tərəfindən həyata keçirilib. Layihələrin ümumi dəyəri 8,5 milyon laridən çox olub.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---