Londonun Qetvik hava limanında şübhəli dron aşkarlandığına görə bütün uçuşlar dayandırılıb
Londonun Qetvik hava limanında
bütün uçuşlar dayandırılıb.
Britaniya mətbuatının yazdığına
görə, buna səbəb hava limanı üzərində 2 ədəd dronun aşkarlanması
olub. Hadisə yerində polis əməkdaşları çağırılıb və şübhəli dronlar
araşdırılır. Hava limanında bütün uçuşlar isə təxirə salınıb,
Qetvik hava limanına eniş etməli olan təyyarələr isə başqa hava
limanlarına yönləndirilib.
Uçuşların ləğv olunmasına və təxirə salınmasına görə minlərlə
sərnişin zərər çəkib. Hava limanının rəhbərliyi Qetvik hava
limanından uçuş etməli olan sərnişinləri öz reyslərinin statusunu
yoxlamağa çağırıb.