Bakı: Dağlıq Qarabağa özünüidarənin yüksək səviyyəsini təklif etməyə hazırıq
“Bakı Dağlıq Qarabağa Azərbaycan
Respublikasının beynəlxalq səviyyədə tanınmış sərhədləri
çərçivəsində yüksək səviyyədə özünüidarəetmə hüququ verməyə
hazırdır”, – bu barədə Azərbaycanın xarici işlər
naziri Elmar Məmmədyarov mətbuat vasitələrinə
bildirib.
Bununla bərabər Azərbaycanlı nazir Dağlıq Qarabağ münaqişəsi barədə
söhbəti zamanı uzun illərdir aparılan danışıqların nəticə
vermədiyini bildirib.
“Ermənistanda baş verən son hadisələr, eləcə də
Azərbaycan Respublikasının Prezidenti ilə Ermənistan Baş naziri
arasında MDB-nin Düşənbə və Sankt-Peterburq zirvə görüşləri
çərçivəsində baş tutan söhbətlər və mənimlə ermənistanlı həmkarım
arasında keçirilmiş üç görüş danışıqlar prosesinin irəli aparılması
baxımından müəyyən optimizm vəd edir.”
Azərbaycanla Ermənistan arasında Dağlıq Qarabağ münaqişəsi 1988-ci
ildə başlayıb. 1994-cü ildə tərəflər atəşkəs rejimi ilə bağlı
razılaşma əldə ediblər, lakin bu günədək beynəlxalq təşkilatların
himayəsi altında iki ölkə arasında aparılan danışıqlar uğursuzluqla
nəticələnib. Hər iki tərəf də atəşkəs rejiminin pozulması ilə bağlı
daim bir-birini ittiham edir.