ABŞ-ın dövlət borcu 21,9 trilyon dollara çatıb
ABŞ-ın dövlət borcu prezident Donald Trampın
hakimiyyətə gəldiyi ildən bu günə kimi iki trilyon dollar artaraq
21,9 trilyon dollara çatıb.
"Marneuli" Radiosu Oxu.Az-a istinadən xəbər verir ki, bu haqda CNN
ABŞ Maliyyə Nazirliyinə istinadən məlumat yayıb.
Maliyyə Nazirliyinin məlumatına əsasən, ABŞ-ın dövlət borcu Trampın
prezidentlik dövrünün ilk vaxtlarında azalmağa başlasa da, 2017-ci
ilin sonunda aparılan vergi islahatlarına görə yenidən artmağa
başlayıb.
ABŞ Konqresinin büdcə üzrə idarəsi 2018-ci ilin sonuna dövlət
borcunun ÜDM-nin 78 faizini təşkil etdiyini dilə gətirib. Bu,
1950-ci ildən bəri ən yüksək göstərici sayılır.
Qeyd edək ki, dövlət borcunun azaldılması Trampın seçkiqabağı
platformasının əsas müddəalarından idi.