Bin Ladenin övladı haqqında məlumata mükafat olaraq ABŞ 1 milyon dollar təyin edib
“Əl-Qaidə”nin keçmiş lideri Osama Bin Ladenin
övladı Hamza Bin Laden haqqında məlumat üçün ABŞ-ın dövlət
departamenti mükafat olaraq 1 milyon ABŞ dolları təyin
edib.
Departamentə əsasən Hamza Bin Laden atasının ölümündən sonra
“Əl-Qaidə”nin lideri olaraq formalaşıb. Onun yeri məlum deyil.
ABŞ Hamza Bin Ladeni 2017-ci ilin yanvarında “qlobal terroristlərin
xüsusi siyahısına” daxil edib.
Azadlıq radiosuna əsasən 2016-cı ilin iyulunda audio qeyddə Hamza
Bin Laden atasının qətli üçün ABŞ-dan qisas alacağını bildirib.
Bin Laden ABŞ-ın hərbi qüvvələri tərəfindən 2011-ci ilin 2 mayında
Pakistanda öldürülüb.
“Əl-Qaidə” başqa hücumlarla yanaşı ABŞ-da 2001-ci ilin 11 sentyabr
hücumuna da cavabdehlik daşıyır. Həmin hadisə zamanı 3000 adam
həlak olub. O, BMT-nn Təhlükəsizlik Şurası, NATO, Avropa İttifaqı,
Rusiya və.s. tərəfindən “Əl-Qaidə” terror təşkilatı olaraq elan
edilib.