Türkiyә hava mәkanını “Boeing 737 MAX 8” vә “Boeing 737 MAX 9” tәyyarәlәri üçün bağlayıb
“Boeing 737 MAX” sərnişin təyyarəsinin
Efiopiyada qəzaya uğramasından sonra bir çox ölkә laynerlə
planlaşdırılan səfərləri təxirə salıb.
Türkiyәnin Nәqliyyat vә İnfrastruktur Nazirliyi təyyarənin
təhlükəsizlik məsələləri dəqiqləşənədək “Boeing 737 MAX 8” vә
“Boeing 737 MAX 9” tәyyarәlәrinin ticari səfərlərini dayandırmaq
qərarı alıb.
Bu barәdә Türkiyәnin Nәqliyyat vә İnfrastruktur Nazirliyindәn
verilәn mәlumatda vurğulanıb.
Qeyd edәk ki, mәsәlә ilә bağlı Türk Hava Yolları da bәyanat
verib.
Bәyanatda qeyd olunub ki, tamamilə təhlükəsiz olduqları
təsdiqlənənə kimi həmin təyyarələr ilə uçuşlar həyata
keçirilməyəcək.
Hava yollarının mətbuat xidmәtindәn verilәn mәlumatda isә THY-nin
aviaparkında 12 ədəd “Boeing 737 MAX” tipli tәyyarәnin olduğu
vurğulanıb.
Türk Hava Yolları (THY) təyyarənin təhlükəsizlik məsələləri
dəqiqləşənədək martın 13-dən ticari səfərləri dayandırmaq qərarına
gәlib.
Efiopiyada baş verən qəzadan sonra Çin, Argentina, Avstraliya və
Sinqapur kimi ölkələrin aviakompaniyaları da “Boeing 737 MAX 8”
təyyarələrinin uçuşlarını dayandırıb.
Qeyd edək ki, Efiopiyada baş verən qəza nəticəsində 157 sərnişin
həlak olmuşdu.
Mənbə:
trt.net.tr