Təbrizin simvolu olan tarixi bazarda yanğın baş verib
12:57 / 09.05.2019
Təbrizdəki tarixi bazarda yanğın baş verib, ilk
məlumatlara görə yanğın nəticəsində 29 adam yaralanıb,100-dən çox
mağazaya ziyan dəyib.
İran Tələbə İnformasiya Agentliyi
“ISNA”ın məlumatına görə Təbriz Tibb Fakültəsi Təcili Yardım
Bölməsinin rəhbəri Fərzad Rəhmani, gecə radələrində baş verən
yanğında 19-u yanğın söndürmə işçisi olmaqla 29 nəfərin
yaralandığını bildirib.
Təbrizli mənbələrdən yayılan bəyanatlarda isə saat 22-də baş verən
yanğının ancaq 8 saat ərzində nəzarətə alındığı 100-dən çox dükana
ziyan dəydiyi bildirilir. İlk məlumatlara görə yanğın kosmetika
mağazalarından birində baş verib.
Təbriz şəhərinin simvol abidələrindən biri hesab idilən 10 əsrlik
bazar dünyanın ən böyük üstü örtülü ticarət mərkəzidir.
2010-cu ildə YUNESKO-nun Dünya İrsi Siyahısına salınan bazarda 5500
mağaza var.