Azatutyun.am [Radio Armeniya] xəbər verir ki, Ermənistanın baş
naziri Nikol Paşinyanın sözçüsü Taron Çaxoyanın sözlərinə görə,
Nikol Paşinyan şəxsən 28 yaşlı hamilə qadının Sona Mnatsakanyanın
atasına zəng edərək başsağlığı verib.
Sona Mnatsakanyan aprelin 26-da İrəvanda baş nazirin kortejinin
avtomobillərindən biri ilə toqquşması nəticəsində həlak olub.
Həkimlər onun övladını da xilas edə bilməyiblər.
Nəşr yazır ki, baş nazirin dəftərxanası cəmi 24 saat sonra qadına
çırpılan avtomobilin Paşinyanın kortejinə aid olduğunu təsdiqləyib.
Baş nazirin özü, idarənin nümayəndəsinin dediyi kimi, hadisə baş
verən zaman hadisə yerindən 100-150 metr aralıda olsa da, hadisədən
gec xəbər tutub.
İstintaq Komitəsi də təsdiq edir ki, avtomobilin sükanı arxasında
olan zabit hadisə yerinə hadisədən cəmi iki saat sonra gəlib. Rəsmi
məlumata görə, o, hadisə yerini tərk etmək, yol hərəkəti
təhlükəsizliyi qaydalarını pozmaq və ehtiyatsızlıqdan adam öldürmək
ittihamı ilə saxlanılıb.