İqtisadi Əməkdaşlıq və İnkişaf Təşkilatının (OECD) araşdırmasının
nəticələrinə görə Avropada alkoqollu içkilar ən çox Latviyada
istehlak edilir.
2020-ci ili əhatə edən hesabata görə bu reytinqdə ikinci yeri
Çexiya, üçüncü yeri isə Litva tutur.
2020-ci ildə Latviyada il ərzində adambaşına 12,1 litr spirtli içki
qəbul edilib.
Çexiyada bu rəqəm 11,6, Litvada 11,4, Avstriyada 11,3,
Bolqarıstanda isə 11,2 litr olub.
Avropa üzrə alkoqollu içkilərin ən az içildiyi ölkə Türkiyədir.
Burda il ərzində adambaşına 1,2 litr spirtli içki düşür.
Hesabatda deyilir ki, araşdırmanın aparıldığı əksər ölkələrdə son
on il (2010-2020) ərzində spirtli içki istehlakı azalıb.
Alkoqollu içki istehlakının ən çox azaldığı ölkə Ukrayna olub.
Bu ölkədə adambaşına spirtli içki istehlakı 2010-cu ildə 7,8 litr
idisə, 2019-cu ildə bu rəqəm 5,7 litrə düşüb. Bu, spirtlıi içki
istehlakının 37 faiz azalması deməkdir.
Spirtli içkilərin qəbulu Yunanıstanda 32 faiz, Niderlandda 26 faiz,
İspaniyada 26 faiz azalıb.
Alkoqollu içkilərin istehlakında ən böyük artım Latviyada (19 faiz)
qeydə alınıb.
Sonrakı yerləri Malta (13 faiz), Bolqarısran (13 faiz) və Norveç
(11 faiz) tuturlar.
Britaniya qəzetləri Birləşmiş Krallığın spirtli içki reytinqində
ilk onluğa düşməməsindən təəccübləniblər.
Daily Mail qəzeti yazır ki, britaniyalıların almanlardan,
portagizlərdən və fransızlardan az içdiyi məlum olub.
Hesabatda deyilir ki, bir çox Avropa ölkələrində “spirtli içkilərin
qəbulunu məhdulaşdıran tədbirlər” həyata keçirilir.
Bunlar spirtli içkilərə qoyulan verginin artırılması, alkoqollu
içkilərin ələ çatımlığının məhdudlaşdırılması və içki reklamlarına
qadağan qoyulması kimi tədbirlərdir.