Tbilisidə "Muaytay" üzrə Beynəlxalq turnir keçirilib
Gürcüstanın paytaxtı Tbilisidə "Muaytay" üzrə
Beynəlxalq turnir keçirilib.
Turnir 19, 20, 21 aprel tarixində "Muaytay" və
"Savate" federasiyasının təşkilatçılığı ilə baş tutub. Turnirdə
Gürcüstan, Azərbaycan, Qazaxıstan, Özbəkistan, İran və Ermənistan
idmançıları iştirak edib. 200-ə yaxın idmaçının iştirak etdiyi
yarışa Marneuli idmançıları da qatılıblar.
Bu haqda məlumatı "Marneuli" radiosu ilə söhbəti zamanı "Muaytay"
və "Savate" federasiyasının vitse-prezidenti Faiq Məmmədov dedi.
Onun sözlərinə görə Marneulidən yarışa üç idmançı qatılmışdı.
Yarışda Marneulidən olan idmançı Oqtay Mirzəyev bütün rəqiblərinə
qalib gələrək qızıl medal qazanıb. Marneuli təmsilçiləri Eldar
Qədimov ikinci, Rəvan Əkbərov isə üçüncü yerə layiq görülülüb.
Onu da əlavə edək ki, turnirdə komanda hesabı ilə birinci yerə
Gürcüstan, ikinci yerə Ermənistan, üçüncü yerə isə Azərbaycan
komandası layiq görülmüşdür. Qazaxıstan və Özbəkistan komandaları
4-cü və 5-ci yerləri bölüşüblər. İran idmançıları isə 6-cı yerdə
qərarlaşıblar.