11-13 iyun tarixində Gürcüstanın Bağdati şəhərində sərbəst güləş
üzrə
“Dünya çempionu Levan Ebanoidze və Gürcüstanın Əməkdar
məşqçisi Avtandil Qurqenidze adına yeniyetmələr və gənclər arasında
respublika turniri” keçirilib.
Turnirə
Marneulidən 5 idmançı qatılıb. Onlardan
ikisi Marneuliyə medalla qayıdıblar. Bu barədə
“Marneuli”
radiosu ilə söhbəti zamanı
Araflı güləş
məktəbinin məşqçisi Vaqif Fərəcov məlumat verdi. Onun sözlərinə
görə, o, yarışa bir idmançısını, 48 kq çəki dərəcəsində
Qurban Əliyevi göndərib. O, da üçüncü yerə layiq
görülüb.
Vaqif Fərəcovun dediyinə görə, o tələbəsini
Marneuli bələdiyyəsinin idman məktəbinin
idmançıları ilə birlikdə,
Şahvələd Aşiqovun
rəhbərliyi altında göndərib.
Məşqçinin bildirdiyinə görə, digər medal qazanan idmançı isə 26 kq
çəki dərəcəsində mübarizə aparan
Ruslan
Qocayevdir. O, da Vaxtanq Nariaşvilinin tələbəsidir.
Ruslan Qocayev finalda məğlub olaraq ikinci yeri
qazanıb.