Azərbaycanın "Neftçi" komandası Gürcüstanın paytaxtı Tbilisidə
"Dinamo" ilə keçirdiyi UEFA Çempionlar Liqasının I təsnifat
mərhələsinin ilk oyununda qalib gəlib.
Boris Payçadze adına "Dinamo Arena"da təşkil olunmuş qarşılaşmada
Azərbaycan klubu 2:1 hesablı qələbə qazanıb.
İlk qol 23-cü dəqiqədə, "Neftçi"nin hücumçusu Namik Ələskərov
vurub.
Bundan sonra hücumların sayını artıran "Dinamo" komandası 36-cı
dəqiqədə hesabı bərabərləşdiriblər. Serbiyalı hücumçu cərimə
meydançasının çölündən qüvvətli zərbə ilə bərabərlik qolunu vurub.
İlk yarı - 1:1 hesabla yekunlaşıb.
İkinci hissəyə "Neftçi" daha fəal başlayıb. Tədricən üstünlüyü ələ
alan "ağ-qaralar" 56-cı dəqiqədə penalti qazanıb. Emin Mahmudov
penalteni "Dinamo"nun qapısından keçirə bilib.
Bu qoldan sonra "Dinamo" komandası yenidən bərabərlik qolunu vurmaq
üçün irəli atılıblar. Lakin bu dəfə "Neftçi"nin müdafiə xətti
rəqibin hücumlarının dəf edərək, bərabərlik qolunu vurmasına imkan
verməyiblər. Beləliklə, "Neftçi" səfər oyununda "Dinamo" üzərində
qələbə qazanaraq, iyulun 14-də "Bakcell Arena"da keçirəcəyi cavab
oyunu üçün böyük üstünlük əldə edib. Həmin qarşılaşma 14 iyul
tarixində saat 21:00-da start götürəcək.
Mənbə: report.az