Gürcüstanı təmsil edən nüvə itələyən Benik Abramyan Tokio Yay
Olimpiya Oyunlarında iştirak etməyəcək.
Beynəlxalq Dopinq-Test Agentliyinin (ITA) məlumatına görə, idmançı
iyulun 31-də verdiyi testin nəticəsi müsbət çıxıb. Onun
orqanizmində dehidroxlormetil-testosteron, metandienon və
tamoksifen tapılıb.
36 yaşlı atlet bu gün mübarizəyə başlamalı idi. Lakin o,
dopinq-testinin şübhəli çıxması səbəbindən yarışlardan müvəqqəti
kənarlaşdırılıb. İdmançı B testinin də açıqlamasını tələb etmək
hüququna malikdir.
Qeyd edək ki, Benik Abramyan qapalı məkanlarda Gürcüstan çempionu
və gümüş medalçı olub.
Mənbə: report.az