Heydər Əliyev Fondunun təşəbbüsü ilə mayın 15-də keçiriləcək “Bakı
Marafonu - 2022”-yə Gürcüstandan 20 iştirakçı qatılacaq.
Həvəskar və peşəkar marafonçular Azərbaycanın Gürcüstandakı
səfirliyinə yarışda iştirak etmək istədiklərini bildiriblər.
Heydər Əliyev Fondu və səfirliyin dəstəyi ilə 1 Azərbaycan, 1
Ukrayna, 1 Kanada, 2 Rusiya və 15 Gürcüstan vətəndaşı olmaqla
ümumilikdə 20 nəfər 13 may tarixində Bakıya yola salınıb.
Səfirlikdən bildirilib ki, marafonçular ötən ilin oktyabrında
Azərbaycanın Müstəqilliyinin Bərpası Gününün 30-cu ildönümünə həsr
olunan Tbilisi-Rustavi marafonunda iştirak ediblər.
Mənbə: report.az