2034-cü il XXVII Qış Olimpiya Oyunları ABŞ-nin Solt Leyk Siti şəhərində keçiriləcək.

Bu barədə Parisdə Beynəlxalq Olimpiya Komitəsinin (BOK) 142-ci sessiyasında keçirilən səsvermə nəticəsində məlum olub.

Bildirilir ki, səsvermə zamanı Solt Leyk Siti üçün sessiyanın 83 iştirakçısı səs verib, 6 səs əleyhinə olub.

"BOK 2034-cü il XXVII Qış Olimpiya Oyunlarının Yuta ştatının Solt Leyk Siti şəhərinə verilməsini elan etməkdən şərəf duyur", - deyə komitədən bildirilib.

Solt Leyk Siti 2034-cü il Oyunlarına yeganə namizəd idi və BOK üzvləri tərəfindən təsdiqlənib.

Sessiya zamanı BOK-un vitse-prezidenti Con Kouts bildirib ki, əgər ABŞ Ümumdünya Antidopinq Agentliyinin (WADA) dopinqlə mübarizədə üstünlüyünü tanımasa, təşkilat 2034-cü il Oyunlarının Solt Leyk Sitidə keçirilməsi ilə bağlı müqaviləni ləğv etmək hüququna malikdir.

Solt Leyk Sitidə Olimpiada 2034-cü ilin fevralında keçiriləcək. 2002-ci ildə şəhər artıq Qış Olimpiadasına ev sahibliyi edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---