12-13 oktyabr tarixlərində Tbilisidə kikboksinq üzrə beynəlxalq turnir keçirilib. Turnirdə Gürcüstanın müxtəlif şəhər və rayonlarından, o cümlədən Türkiyə və İrandan qatılmış idmançılar da iştirak ediblər.

“Qaracalar” idman klubunun baş məşqçisi İsfahan Əliyev sözlərinə görə, Tbilisidə təşkil edilmiş turnir onun təşkilatçılığı ilə baş tutub.

“Yarışda 200-dən çox idmançı iştirak edirdi. Turnirdə 5 peşəkar döyüş də keçirildi. Həmin

döyüşdə Gürcüstan və İran idmançıları qarşılaşdı. 5 peşəkar döyüşün 4-də Gürcüstan idmançıları qalib gəldilər. Birində isə İran idmançısı Gürcüstanlı idmançı üzərində qələbə qazandı. Onu da qeyd edim ki, turnirdə mənim idman klubumun 12 yetirməsi də iştirak edirdi. Onlardan 6-sı qalib oldu”, – İsfahan Əliyev dedi.


Marneuli rayonunun Böyük Muğanlı kəndində fəaliyyət göstərən “Cəlil Səfərov” adına idman klubundan yarışa 5 idmançı qatılıb. İdman klubunun baş məşqçisi Namiq Səfərovun sözlərinə görə, onun idmançıları yarışda yaxşı nəticələr əldə ediblər.

“Mənim idman klubumdan 5 idmançı qatılmışdır. Onlardan Rəvan Koxayev və Raul Səfərov birinci yerə çıxdılar. Əli Məcidov, Nazim Səfərov və Elmir Allahverdiyev ikinci yeri qazandılar”, – baş məşqçi Namiq Səfərov dedi.


Çempionatda Bolnisi rayonunun Aşağı Qoşakilsə kəndində fəaliyyət göstərən “İnam kikboks klubu”nun idmançıları da iştirak ediblər. Klubun baş məşqçisi Şahin Bəxtiyarovun sözlərinə görə, onun klubundan 4 idmançı iştirak edib.

“İdmançılar mənim rəhbərliyim altında qatılmışdılar. Mənim idmançılarım k-1 üzrə döyüşdülər. İdmançılarım Nihad Hacıyev, Nuri Kələyev, Ramal Əliyev və Onur Nəzərov yaxşı çıxış edərək qələbə qazandılar”, – Şahin Bəxtiyarov dedi.


Qeyd edək ki, turnir “Qaracalar” idman klubu, Gürcüstan Milli Tayboks və Kikboksinq Federasiyasının birgə təşkilatçılığı baş tutub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---