Marneulili qadın oxçu Elene Kaldani oxatma üzrə Gürcüstan çempionatında uğurla çıxış edərək vitse-çempionluq əldə edib.

23-26 yanvar tarixində Marneuli Bələdiyyəsində, “Azərbaycan Evi” İdman Mərkəzində oxatma üzrə Gürcüstan çempionatı keçirilib.

“Gürcüstan Milli Oxçuluq Federasiyası və Marneuli Bələdiyyəsi İdman Məktəbinin təşkilatçılığı, həmçinin İdman Nazirliyi və Marneuli yerli özünüidarəetməsinin dəstəyi ilə “Azərbaycan Evi” İdman Mərkəzində 18 metr məsafədə,

üç yaş kateqoriyasında oxatma üzrə Gürcüstan çempionatı keçirilib.

Marneuli Bələdiyyəsinin İdman Məktəbinin oxçusu Elene Kaldani (Fərdi məşqçi: Eka Abaişvili) turnirdə uğurla çıxış edərək 15 yaşa qədər kateqoriyada vitse-çempionluğun qalibi olub”, - Marneuli İdman Məktəbinin məlumatında qeyd olunub.

Çempionat 15 yaşadək, 21 yaşadək və 21+ yaş kateqoriyalarında keçirilib. Yarışda 80-ə yaxın idmançı iştirak edib.

Turnirin çempionlarına və mükafatçılarına diplom, pul mükafatları təqdim olunub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---