27-28 fevral tarixlərində Marneulidə kikboksinq üzrə “Nabiyev Cup” adlı turnir keçirildi. Turnir Marneulidə fəaliyyət göstərə “Azərbaycan Evi”nin idman arenasında baş tutdu.

27 fevralda strart götürən turnirə Gürcüstanın 13 regionundan 150-dən çox idmançı iştirak edib. “Nabiyev Cup”-un rəhbəri, Yeddiqat dünya və üçqat Avropa çempionu Alim Nəbiyev bildirib ki, yarışda 30 kq-dan 91 kq-a qədər çəki dərəcəsində, 13 yaşdan 20 yaşadək idmançılar güclərini sınayıb. Yarışı keçirməkdə əsas məqsəd yeniyetmələrin idmana marağını artırmaq, onları daha geniş arenada yarışlarına hazırlamaqdır. O, bildirib ki, turnir Gürcüstanda kikboksinqin inkişafına və iki xalq arasında dostluq münasibətlərinin möhkəmlənməsinə töhfə verməyi hədəfləyib.

Nəbiyev qeyd edib ki, belə tədbirlərin davamlı keçirilməsi gənclərin sağlam həyat tərzi seçməsinə və iki xalq arasında daha güclü münasibətlərin qurulmasına zəmin yaradır. O, təşkil olunan bu turnirin yalnız idman yarışması olmadığını, eyni zamanda gənclər arasında dostluq və qarşılıqlı anlaşmanın möhkəmlənməsinə xidmət etdiyini vurğulayıb.

“İdman rəqabətdən daha çox xalqları bir araya gətirən güclü sosial platformadır. Gürcüstanda keçirilən bu cür turnirlər Azərbaycan və gürcü xalqları arasındakı tarixi dostluğu möhkəmləndirir, azərbaycanlıların Gürcüstan cəmiyyətinə inteqarsiyasını sürətləndirir. Yarış zamanı idmançılar rinqdə rəqib, kənarda isə dost və qardaş kimi münasibət qururlar”.

İdmançılar arasında keçirilən qarşılaşmalar böyük maraqla izlənilib. Sonda qalib idmançılara kubok, diplom və medal təqdim edilib.

Turnirə Qafqaz Arenanın və Gürcüstan Azərbaycanlı İdmançıları Birliyinin üzüvləri və məşqçiləri də iştirak edib.

Qeyd edək ki, turnir Marneuli fəaliyyət göstərə “Azərbaycan Evi”nin təşəbbüsü və təşkilatçılığı, Azərbaycanın Diasporla İş üzrə Dövlət Komitəsinin, Azərbaycanın Gürcüstandakı Səfirliyinin və “Azərbaycan Evi”nin birgə dəstəyi ilə baş tutub. Turnirin final mərhələsində Azərbaycanın Gürcüstandakı Səfriliyinin nümayəndələri Kamal Xəlilov, Seymur İlyaslı, Cavid Məhərrəmov, SOCAR-ın nümayəndəsi Tofiq Əliyev, “Azərbaycan Evi”nin direktoru Məhəbbət İmanov, Gürcüstan Kikboksinq Federasiyasının prezidenti Qoça Cavaxia və idman ictimaiyyətinin üzüvləri iştirak ediblər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---