Ermənistanın paytaxtı İrəvanda, Respublika stadionunda Gürcüstan və Ermənistan milli komandaları üz-üzə gəldi. Bu iki oyunluq duel UEFA Millətlər Liqasının B divizionunda kimin qalacağını və kimin C divizionuna düşəcəyini müəyyən edəcək.

Villi Sanyolinin komandası 0:3 hesabı ilə qələbə qazandı. Oyunun 33-cü dəqiqəsində hesabı Qiorqi Koçoraşvili açdı. Cəmi dörd dəqiqə sonra Qiorqi Mikautadze fərqi iki topa çatdırdı.

İkinci hissədə də gürcü futbolçular üstün oyun sərgilədi. 59-cu dəqiqədə Qiorqi Çakvetadzenin ötürməsi ilə Qiorqi Mikautadze dubl etdi. Bu, onun Gürcüstan millisində vurduğu 18-ci qol oldu.

Bu qolla Mikautadze Gürcüstan millisinin tarixində ən yaxşı bombardirlər siyahısında ikinci pilləyə yüksəldi və yalnız Şota Arveladzeyə (26 qol) uduzur.

Bu, Gürcüstan millisinin 10 sentyabrda Albaniyaya qarşı qazandığı səfər qələbəsindən sonra ilk uğurudur.

Cavab oyunu 23 martda Tbilisidə, "Dinamo Arena"da keçiriləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---