Rusiyanın Saratov vilayətinin Engels şəhərində DJ-nın döyülməsi işi ilə bağlı məhkəmənin qərarına əsasən məcburi əməyə cəlb edilən azərbaycańlı qarışıq döyüş növləri ustası Cavid Rzayev Rusiya vətəndaşlığından məhrum edilib. Rzaev "RBC"yə verdiyi açıqlamada Rusiyadan deportasiya edilmədiyini bildirib.

Daha əvvəl "Readovka" teleqram kanalı azərbaycańlı döyüşçünün vətəndaşlıqdan məhrum edilməsi haqqında qərarın üzü bağlı şəxs tərəfindən oxunduğu bir video yayımlamışdı. Videodan belə anlaşılır ki, Rusiya Federal Təhlükəsizlik Xidmətinin Saratov vilayəti üzrə İdarəsi Rzayevin "cəmiyyətdə siyasi və sosial sabitliyə mənfi təsir edən" və "milli təhlükəsizliyə təhdid yaradan" hərəkətlər törətdiyini müəyyən edib. Bununla belə, Rzayevin konkret olaraq nə etdiyi açıqlanmır.

2024-cü ilin iyununda Rzayevin Hardcore təşkilatının döyüş turnirində rusiyalı Sergey Prixodko üzərində qələbəsindən sonra baş verən insident geniş rezonans doğurmuşdu. Həmin vaxt azərbaycańlı idmançı döyüşçü Artur Kulinskini milliyyətinə görə təhqir edərək onu "rus donuzu" adlandırmışdı.

Daha sonra Rzayev öz Instagram səhifəsində üzr istədiyi bir video yayımlamışdı. O, qeyd etmişdi ki, sözləri yalnız Kulinskiyə ünvanlanıb, Rusiyanın bütün sakinlərinə deyil.