Marneuli İdman Məktəbinin açıqlamasında bildirilir ki, Bolqarıstanın Albena şəhərində keçirilən dünya çempionatında marneulili gənc qol güləşçiləri qızıl və gümüş medal qazanıblar.

“Demetre Mumladze sağ əli ilə 15 yaşadək mütləq çəki dərəcəsində dünya çempionu olub.

Luka Maisuradze isə sol əli ilə 45 kq çəki dərəcəsində 15 yaşlılar arasında dünya vitse-çempionu titulunu qazanıb”, – Marneuli İdman Məktəbinin məlumatında deyilir.

İdmançıların şəxsi məşqçisi Mamuka Boçoidzedir.

Açıqlamada həmçinin qeyd olunur ki, sentyabrın 15-də veteranlar arasında keçirilən dünya çempionatında Marneuli Bələdiyyə İdman Məktəbinin qol güləşi üzrə məşqçisi Şermadin Boçoidze 110 kq çəki dərəcəsində mübarizə aparacaq.

Sentyabrın 20-də isə marneulili qol güləşçisi Tamaz Boçoidze 100 kq çəki dərəcəsində dünya çempionatında qüvvəsini sınayacaq.