Milli Qida Agentliyinin Acarıstan və Tbilisi departamentlərinin müfəttişləri “K.S.C.” MMC-yə məxsus müxtəlif obyektlərdə həyata keçirdikləri dövlət nəzarəti zamanı tonlarla istifadə müddəti bitmiş qida məhsulu aşkar ediblər.

Acarıstan Departamentinin müfəttişləri şirkətə məxsus üç obyektdə plandankənar yoxlama aparıblar. Xelvaçauri bələdiyyəsinin Qantiadi kəndində yerləşən obyektdə heç bir qanun pozuntusu qeydə alınmayıb. Burada həm məhsulların etiketlənməsi qaydalarına, həm də satış müddətlərinə riayət edildiyi müəyyən olunub.

Lakin Kobuleti bələdiyyəsinin Qorqadzeebi kəndində 125 kiloqram istifadə müddəti bitmiş midiya aşkar edilib. Batumi şəhərində, General Aslan Abaşidze küçəsində yerləşən obyektdə isə istifadə müddəti keçmiş 3 780 kiloqram qabığında bişirilmiş və dondurulmuş krevet, eləcə də 16 kiloqram dəniz məhsulları qarışığı müəyyən olunub.

Agentliyin məlumatına görə, sözügedən məhsullar möhürlənib və qanunvericiliyə uyğun olaraq məhv ediləcək.

Bununla yanaşı, Tbilisi Departamentinin müfəttişləri “K.S.C.” MMC-nin Qriqol Lortkipanidze küçəsində yerləşən soyuducu anbarında da qanun pozuntuları aşkarlayıblar. Yoxlama zamanı istifadə müddəti bitmiş qida məhsullarının bazara çıxarılması və etiketləmə qaydalarının pozulması faktları müəyyən edilib. Müxtəlif növ dondurulmuş balıq məhsulları, həmçinin kürü məhsullarının etiketlənməsində pozuntular aşkarlanıb.

Aşkarlanan qanun pozuntularına görə şirkət cərimələnib. Agentliyin məlumatına əsasən, ümumilikdə 6 132,2 kiloqram istifadə müddəti bitmiş qida məhsulu möhürlənib və qanunvericiliyə uyğun şəkildə məhv ediləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.