“Apteklərdə narkomaniya” işi üzrə Səhiyyə nazirinin keçmiş müavini İrakli Mxeidze saxlanılıb. Bu barədə iş üzrə prokuror məlumatı mediaya təsdiqləyib. Mxeidzenin vəkili Vaxtanq Kvijinadzenin sözlərinə görə, söhbət İrakli Mxeidzenin Tibbi və Əczaçılıq Fəaliyyətinin Tənzimlənməsi Agentliyinin direktoru vəzifəsində çalışdığı 7 aylıq dövrdən gedir. Onun sözlərinə görə, bu istintaq 3 ildir davam edir.

Məhkəmə prosesi ötən gecə gec saatlara qədər davam edib və iş üzrə saxlanılan bütün şəxslər barəsində qətimkan tədbiri kimi həbs seçilib. İttiham irəli sürülən, lakin saxlanılmayan şəxslər barəsində isə həbs qətimkan tədbiri tətbiq edilməyib. Buna səbəb onların təqsirlərini etiraf etmələri, istintaqla əməkdaşlıq etmələri və “bu cinayət fəaliyyətində iştirak edən, konkret rolları bölüşdürülmüş şəxsləri göstərmələri” olub.

İrakli Mxeidzeyə Gürcüstan Cinayət Məcəlləsinin 332-ci maddəsinin birinci hissəsi ilə ittiham irəli sürülüb. Bu maddə şəxsi mənfəət əldə etmək məqsədilə və ictimai maraqlara zidd olaraq vəzifə səlahiyyətlərindən sui-istifadəni nəzərdə tutur.

“Cinayətkar qrupun fəaliyyəti və onun xüsusiyyətlərindən irəli gələrək, onlar psixotrop maddələrin qanunsuz satışına şərait yaradır və müvafiq hüquq pozuntularına görə lazımi tədbirlər görmürdü”, — deyə Qriqol Nişnianidze mediaya bildirib.

Prokurorun sözlərinə görə, iş çərçivəsində yüzlərlə şəxs dindirilib və istintaq davam edir.

“Yuxarıda qeyd olunan mümkün cinayət əməlləri ilə əlaqəsi ola biləcək bütün şəxslər, əlbəttə ki, dindiriləcək. Əgər hər hansı sübut əldə olunarsa və onların tərəfindən cinayət əlamətləri müəyyən edilərsə, prokurorluq müvafiq hüquqi qərar qəbul edəcək”, — deyə Qriqol Nişnianidze mediaya bildirib.

Apteklərdə narkotik maddələrin qanunsuz dövriyyəsi işi üzrə keçmiş baş prokuror Otаr Partsxaladzenin yaxın çevrəsinə daxil olan Mixail Çoxeliyə də ittiham irəli sürülüb.

“Mixail Çoxeli barəsində təkcə qrup halında qanunsuz sahibkarlıq fəaliyyəti faktı üzrə deyil, həm də ağırlaşdırıcı hallarda qanunsuz gəlirlərin leqallaşdırılması faktı ilə bağlı cinayət təqibi başlanıb”, — deyə prokuror bildirib.

İyunun 24-də Maliyyə Nazirliyinin İstintaq Xidməti 53 milyon laridən çox dəyərində psixotrop dərmanların qanunsuz ticarəti, cinayətkar qrup tərəfindən əldə edilmiş gəlirlərin leqallaşdırılması və qanunsuz sahibkarlıq fəaliyyəti ilə bağlı sxemin aşkar edildiyini açıqlayıb.

Qurumun məlumatına görə, mütəşəkkil qrupun 17 üzvü saxlanılıb, axtarışda olan 3 nəfərlə bağlı isə axtarış elan ediləcək. Bundan əlavə, saxlanılmadan 11 fiziki şəxsə ittiham irəli sürülüb. Onlar istintaqla əməkdaşlıq ediblər. Həmçinin İstintaq Xidmətinin məlumatına görə, Gürcüstanda qeydiyyatdan keçmiş 24 hüquqi şəxs barəsində cinayət təqibinə başlanılıb.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.