Gürcüstanın Ətraf Mühitin Mühafizəsi və Kənd Təsərrüfatı Nazirliyinin Ətraf Mühitə Nəzarət Departamentinin məlumatına görə, 2026-cı il yanvarın 1-dən iyunun 30-dək Tbilisi, Batumi, Kutaisi və Rustavi şəhərlərində nəqliyyat vasitələrinin zərərli tullantılarının müəyyən edilmiş normaya uyğun olmaması ilə bağlı 4 575 fakt qeydə alınıb.

Qurumun məlumatına əsasən, pozuntuların 2 699-u Tbilisidə, 821-i Batumidə, 694-ü Kutaisidə, 361-i isə Rustavidə aşkarlanıb.

Müəyyən edilən hüquq pozuntularından 3 982-si fiziki şəxslər tərəfindən törədilib. 593 halda isə Ətraf Mühitə Nəzarət Departamentinin əməkdaşları hüquqi şəxsləri cərimələyiblər.

Nəqliyyat vasitələrinin növlərinə gəlincə, pozuntuların 2 634-ü minik avtomobillərinin, 1 837-si mikroavtobusların, 101-i yük avtomobillərinin, 3-ü isə avtobusların payına düşür.

Departamentdən bildirilib ki, atmosfer havasının keyfiyyətinin yaxşılaşdırılması və nəqliyyat sektorundan qaynaqlanan çirklənmənin azaldılması məqsədilə Tbilisi, Batumi, Kutaisi və Rustavi şəhərlərində hərəkətdə olan nəqliyyat vasitələrinin görünən tüstü tullantılarına nəzarət 2023-cü ilin sentyabr ayından həyata keçirilir.

Qurumun məlumatına görə, aparılan təhlillər əsasında nəzarət imkanlarını gücləndirmək üçün patrul qruplarının sayı artırılıb, hibrid avtomobillər alınıb, əməkdaşlar müvafiq ölçü cihazları ilə təmin edilib və onlar mütəmadi olaraq ixtisasartırma təlimlərinə cəlb olunurlar. Nəticədə departament əməkdaşları daha çox ərazidə və daha çox nəqliyyat vasitəsini yoxlamaq imkanına malik olub ki, bu da nəzarətin daha genişmiqyaslı və səmərəli aparılmasına şərait yaradır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.