Varketili hərbi şəhərciyində partlayış – yaralılar var
Varketili hərbi şəhərciyindəki
binaya əl qumbarası atıblar. Partlayış nəticəsində üç nəfər
yaralanıb. Onlar hazırda xəstəxanaya yerləşdiriliblər.
Daxili İşlər Nazirliyinin mətbuat xidmətindən “Netgazeti”yə verilən
məlumata görə, cinayəti törətməkdə şübhəli bilinən şəxsin kimliyi
müəyyən olunub və hazırda onun saxlanılması istiqamətində intensiv
istintaq tədbirləri davam edir. Hadisənin motivi barədə hələlik
nazirlikdən məlumat vermirlər.
Faktla bağlı Cinayət Məcəlləsinin 19,109-cu maddəsinin 3-cü
hissəsinin “a” bəndi ilə istintaq başlayıb. Həmin maddə
amansızlıqla qəsdən adam öldürməyə cəhdi nəzərdə tutur.