ABC kanalının məlumatına görə, Los-Anceles Polis Departamenti üç Gürcüstan vətəndaşını saxlayıb. Onlar digər bir gürcü vətəndaşının zorakılıqla qarət olunması və qətlə yetirilməsi ilə bağlı ittiham olunurlar.

38 yaşlı Paatə Koçiaşvili, 46 yaşlı Zaza Otaraşvili və 52 yaşlı Besik Xutsişviliyə qətl maddəsi ilə rəsmi ittiham irəli sürülüb.

Hadisə şənbə günü, 26 aprel tarixində De La Osa küçəsində baş verib. Los-Anceles Polis Departamentinin məlumatına görə, 47 yaşlı Aleksandre Modebadze hadisə yerində həyatını itirib.

Polisin açıqlamasına əsasən, Modebadze əvvəlcə qarət məqsədilə girov götürülüb, sonra isə döyülərək baş nahiyəsindən xəsarətlər alıb.

ABŞ Federal Təhqiqat Bürosunun (FBI) dəstəyi ilə polis qısa müddətdə üç şübhəlini müəyyənləşdirib və saxlayıb. Onlara qarşı rəsmi ittiham irəli sürülüb və hər birinə 2 milyon dollar məbləğində girov təyin olunub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---