Hüquq-mühafizə orqanlarının əməkdaşları insan alveri ittihamı ilə, əvvəllər müxtəlif cinayətlərə görə məhkum olunmuş, 1993-cü il təvəllüdlü M.F.-ni saxlayıblar. Ona qarşı 12 ilədək azadlıqdan məhrumetmə cəzası nəzərdə tutulur.

Gürcüstan Daxili İşlər Nazirliyinin məlumatına görə, intensiv rejimdə aparılan istintaq tədbirləri, o cümlədən məhkəmə qərarı əsasında həyata keçirilən gizli istintaq hərəkətləri nəticəsində müəyyən edilib ki, maddi mənfəət əldə etmək məqsədilə, təqsirləndirilən şəxs psixoloji zorakılıq və hədə-qorxu yolu ilə, 1963-cü il təvəllüdlü L.Q.-nu müəyyən ödəniş müqabilində müxtəlif şəxslərlə cinsi əlaqəyə girməyə məcbur edirdi.

Nazirlik bildirir ki, əldə olunan gəlirin bir hissəsini təqsirləndirilən şəxs özü mənimsəyirmiş.

Faktla bağlı istintaq Gürcüstan Cinayət Məcəlləsinin 143-cü maddəsinin birinci hissəsi ilə aparılır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---