6 iyun tarixində Qardabani bələdiyyəsinin Qaracalar kəndində
demokratik yolla seçilmiş ilk qadın-deputat Pəri xanım Sofiyevanın
memorialının açılışı olub.
Açılış Barışıq və Vətəndaş Bərabərliyi üzrə Dövlət Naziri
Aparatının təşəbbüsü və təşkilatçılığı ilə olub. Memoriala dövlət
naziri Ketevan Tsixelaşvili çələng qoyub.
Dövlət naziri Pəri xanım Sofiyevanın siyasi fəaliyyətinin çox mühüm
olduğunu vurğulayıb.
“Düz 100 il öncə bizim ölkəmizdə ilk demokratik
respublika yaradılarkən Pəri xanım Sofiyeva demokratik yolla
seçilmiş ilk müsəlman qadın oldu. O, seçki kollegiyasının üzvü idi
və onun adı ilə çox sayda təşəbbüs bağlıdır. Həqiqətən də bunun
Gürcüstanda, bu yerlərdə olması qürurvericidir.
100 il öncə bir çox ölkədə qadınların səsvermə hüququ belə
yoxkənhəmin vaxt seçilmiş orqanlarda, Tbilisdə və bölgələrdə etnik
azlıqlar, o cümlədən qadınlar təmsil olunurdular. Partiyaların
seçki siyahılarında 26 qadın var idi. Bu əsrlərə və bizim ölkənin
dəyərlərinə söykənən çox böyük ənənədir ki, bunu da mütləq davam
etdirməliyik. Bizim əcdadlarımız başa düşürdülər ki, bərabərlik
cinsiyyət, etnik və ya dini mənsubiyyətindən asılı olmayaraq
hüquqlardan bərabəər səviyyədə faydalanmaq deməkdir. Bu bizim
demokratik dövlətimizin prinsipidir və bu istiqamətdə daha da
irəliyə getməliyik” – deyə Ketevan Tsixelaşvili
bildirib.
Memorialın açılışında rəsmi şəxslər və yerli əhali ilə birgə Pəri
xanım Sofiyevanın nəvələri, həmçinin Kvemo Kartli qubernatoru
Qriqol Nemsadze və Qardabani bələdiyyəsinin meri Ramaz Budağaşvili
də iştirak edirdilər.
1918-ci ildə Gürcüstan Demokratik Respublikası elan edildikdən
sonra ölkənin əsas qəzalarının ərazisində, o cümlədən Tbilisi
qəzasının Qarayazı dairəsində seçkilər keçirildi. Bitərəf
müsəlman-qadın namizəd Pəri xanım Sofiyeva aparıcı Sosial
Demokratlar və Federalistlər, “Hümmət”, Milli Demokratlar və
Eserlər partiyalarının namizədlərini üstələdi və Tbilisi qəzası
məclisinə Qarayazı dairəsindən 5-ci seçilən oldu. Bir çox işlər, o
cümlədən, dogma kəndində dəmir yolu stansiyasının tikilməsi onun
adı ilə bağlıdır.