Bu gün, 28 dekabr tarixində Tbilisidə Dünya Azərbaycanlılarının
Həmrəylik Gününə həsr olunan “Gücümüz Həmrəyliyimizdədir” adlı
konsert keçirildi.
“Mirzə Fətəli Axundovun ev muzeyi”nin təşkilatçılığı ilə keçirilən
konsertdə Azərbaycanın Gürcüstandakı səfirliyinin əməkdaşları,
Türkiyənin Gürcüstandakı səfirliyinin nümayəndələri, ziyalılar,
gənclər və dəvət olunmuş qonaqlar iştirak edirdilər.
Tədbirdə çıxış edən qonaqlar Azərbaycan xalqını qarşıdan gələn
"Dünya Azərbaycanlılarının Həmrəylik Günü" və yeni il münasibəti
ilə təbrik etdilər.
Konsert proqramında çıxış edən iştirakçılara və dəvət olunmuş
qonaqlara Axundov muzeyi tərəfindən xüsusi hədiyyələr verildi.
Tədbir Tbilisidə fəaliyyət göstərən Gürcüstanın Dövlət Folklor
Mərkəzində keçirildi və konsertdə çıxış edən qonaqların ifaları
tədbir iştirakçıları tərəfindən alqışlarla qarşılandı.
Konsertdə iştirak etdilər:
- İaloni ansamblı
- Müğənni - Dito Kisişvili
- Aşıq Nargilə Mehdiyeva
- Azərbaycanın Əməkdar artisti - Nərgiz
Əliyeva
- Azərbaycanın Əməkdar artisti - Fəridə
Məlikova
- Müğənni - Mişo Cavaxişvili
- Müğənni - Veriko Turaşvili
- “Ceyran” rəqs ansamblı
- “Melitassy” rəqs ansamblı və xüsusi
qonaqlar
- “Akademiya Gvirila”
- “Ethno Sixtet”