Türkiyə televiziyasında yayımlanan “Çırak” serialının musiqisini aşıq Nargilə Mehdiyeva ifa edib. O, “Marneuli” radiosu ilə söhbəti zamanı bildirdi ki, türkiyəli aktyor və “Çırak” serialının ssenari müəlliflərindən biri olan Ozan Akbaba və ailəsi onunla çox yaxındır. Mehdiyevanın sözlərinə görə, Ozan Akbabanın bacısı onun yaxın dostudur.

“Ozan və ailəsi mənə çox yaxındır. Bacısı Bilgihan mənim ən yaxın və

səmimi dostumdur. O, ürəyi istədiyində bizə qonaq gələr, mən də onlara gedərəm. Türk kanallarında mənim Türkiyədə olduğum zaman elə kanallara dəvət alaram. Bilirsiniz ki, mən Türkiyənin hər bir şəhərində keçirilən aşıqlar bayramına hər zaman dəvət alıram. Televiziya mənim üçün yad deyil. Ozan və ailəsi mənim səsimi ilk dinləyəndə kövrəldilər. Onlara soyumuzun, kökümüzün Borçalıdan olduğunu söyləyəndə istər istəməz gözləri önünə gəldi bu əhvalat. O an mənim özlərinə nə qədər doğma olduğumu hiss etdilər. Ailəsi məni 4-cü övladları kimi bağırlarına basdılar. Bir sözlə, mənə doğma bir ailə oldular”.

Nargilə Mehdiyevanın dediyinə görə, Ozanın yeni layihəsi olub. Amma istədiyi musiqiyə səs tapa bilməyib.

“Ozanın “Çırak” adlı hazır şəkildə layihəsi var idi. Amma o, istədiyi musiqiyə səs tapa bilmirmiş. Mənə dedi ki, Nargilə, gir studiyada nə istəyirsən, oxu və ifa et. Ozanın İzmirdəki ailəsinin evində bir otağında studiyası var. Mən, Bilgihan və Ozanın qardaşı Ozanla zarafat edə-edə Ozan ya bizim sonumuza çıxacaqsan, ya da nə isə edəcəksən, dedik. Ozanla zarafat əsnasında səsimizi yazdırdıq. Deyinə-deyinə, zarafat edə-edə Ozan bəs etmirmi dedik. O, da “bekleyin çocuklar, sabırlı olun, güzel şeyler olacaq” deyə, həm vokal, həm saz, həm də öz bəstələrimdən ifa edərək oxudum. Sonucu siz də, mən də gördüm. Onlar mənə səsimin qeyri-adi olduğunu dedilər. Ozan mənə dedi ki, “hər kəs səni tanımalı və sənin haqqında bilməlidir”. Ozan belə bir iş gördü. 10 bölümdən ibarət olan serialda səsim və sazım səsləndi. İnşallah istəyə görə ikinci sezon da olacaq. Davamı gələcək. Bunu da bildirim ki, “Azizim” və “Yalvarır” öz bəstələrimdir və çox sevildi. Hər kəs tam versiyasını gəzir və səbirsizliklə ikinci sezonu gözləyir. Dəvətlərimiz və solo konsertlər gözləyir. Bu da sürpriz olaraq qalsın”.

Qeyd edək ki, Aşıq Nargilə Mehdiyeva 12 yaşından aşıq sənəti ilə məşğul olmağa başlayıb. O, ilk dəfə 1995-ci ildə Azərbaycanın Tovuz şəhərində keçirilən qadın aşıqları müsabiqəsində birinci yerə layiq görülüb. Daha sonra Gürcüstanda keçirilən festivalda iştirak edib və unikal ifaçı adına layiq görülərək, 1-ci yerə çıxıb. Mehdiyeva bir çox yerli və xarici festivallarda uğurla iştirak edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---