Qardabanili gənc şair və yazıçı Azər Musaoğlunun ilk kitabının təqdimat mərasimi keçiriləcək. Tədbir mayın 4-də saat 15:00-da Tbilisidəki Gürcüstan Yazıçılar Evində baş tutacaq.

Musaoğlunun ilk şeirlər toplusu “Mezozoy erasında yadplanetli” adlanır. Təqdimat Gürcüstan Yazıçılar Birliyi və qurumun Azərbaycan bölməsi tərəfindən təşkil olunur.

Kitabda müəllifin son illərdə yazdığı şeirlər yer alıb. Əsər 300 nüsxə tirajla Tbilisidə fəaliyyət göstərən “Mtsignobari” nəşriyyatında çap olunub.

Kitabın ön söz müəllifi və redaktoru GYB-nin Azərbaycan bölməsinin rəhbəri Allahverdi Təkləli, korrektoru Aynurə Əliyeva, dizaynı isə Elsevər Əhmədova məxsusdur. Nəşr Gürcüstan Gənclərinə Yardım və Maarifləndirmə Təşkilatının maliyyə dəstəyi ilə ərsəyə gəlib.

Gənc yazarın bildirdiyinə görə, yaxın günlərdə oxucular üçün ayrıca satış və imza günü də təşkil olunacaq.

Təqdimat ünvanı: Tbilisi şəhəri, İvane Maçabeli küçəsi 13.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---