“Era Teatrı”nın yeni tamaşası olan “Qaranlıq Xətt” 18 may tarixində saat 15:00-da Qardabani Mədəniyyət Evində nümayiş olunacaq.

Tamaşanın müəllifi və quruluşçu rejissoru Anar Rəfiqoğludur. O, “Marneuli” radiosuna verdiyi açıqlamada bildirib ki, Marneulidə keçirilən premyera uğurlu alınıb:

“Marneulidəki təqdimatımız gözlədiyimdən də yaxşı keçdi. Aktyorlar üzərlərinə düşən işi layiqincə yerinə yetirdilər. Heç bir texniki və ya təşkilati

problem yaşanmadı. Qardabanidə isə daha yüksək nəticə gözləyirəm”.

Rejissorun sözlərinə görə, “Qaranlıq Xətt” psixoloji dram və detektiv janrında səhnələşdirilib. Əsərdə baş qəhrəmanın qaranlıq və sirli keçmişi fonunda cərəyan edən hadisələr təqdim olunur. Tamaşada teatrın aktyorları Elnur Vəlizadə və İsnar Fərzəliyev çıxış edəcəklər.

Tamaşa Azərbaycan Respublikasının Gürcüstandakı Səfirliyinin dəstəyi ilə həyata keçirilən “Regionlarda teatr mədəniyyətinin təbliği və inkişafı” layihəsi çərçivəsində səhnəyə qoyulur.

Xatırladaq ki, “Qaranlıq Xətt”in premyerası 27 aprel tarixində Marneuli Mədəniyyət Evində baş tutub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---