11 oktyabr tarixində Tbilisidə “Polkovnik” adlı sənədli filmin təqdimatı keçirildi. Sənədli film əslən Marneuli rayonunun Təkəli kəndindən olan hərbçi, polkovnik Vəli bəy Yadigarovun həyat və fəaliyyətinə həsr olunub.

Tədbir Azərbaycan Mədəniyyət Nazirliyi və “Salnamə” sənədli filmlər studiyasının birgə təşkilatçılığı, SOCAR-ın Gürcüstan nümayəndəliyi və Azərbaycan diasporunun dəstəyi, həmçinin Azərbaycanın Gürcüstandakı səfirliyinin iştirakı ilə baş tutub. Təqdimat mərasimi Azərbaycanın sabiq baş naziri və xarici işlər naziri Həsən Həsənovun 85 illik yubileyi çərçivəsində keçirilib.

Tədbirdə çıxış edən Azərbaycanın Gürcüstandakı fövqəladə və səlahiyyətli səfiri Faiq Quliyev bildirib ki, “Polkovnik” filmi yalnız bir qəhrəmanın həyatını əks etdirmir, həm də Azərbaycan və Gürcüstan xalqlarını birləşdirən tarixi və mənəvi bağlara işıq salır.

Filmin ideya müəllifi Həsən Həsənov çıxışında qeyd edib ki, bu sənədli film Azərbaycan tarixində iz qoymuş şəxsiyyətlərin xatirəsini yaşatmaq və gənc nəslə vətənpərvərlik ruhunu aşılamaq məqsədi daşıyır.

“Polkovnik” filminin rejissoru Tahir Əliyev, ideya müəllifi və ssenari məsləhətçisi Həsən Həsənov, ssenari müəllifi Ramil Ələkbərov, operatoru Faiq Kərimov, bəstəkarı Azər Hacıələsgərli, prodüseri isə Nazim Hüseynovdur.

Çəkilişlər Azərbaycan, Gürcüstan və Polşada aparılıb. Film Vəli bəy Yadigarovun şəxsi qəhrəmanlığını, Azərbaycan hərb tarixində və Qafqaz regionunun hərbi-siyasi proseslərində onun oynadığı rolu tamaşaçılara təqdim edir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.