“Era Teatrı” “Aktyorluq, teatr və kino” kurslarına başlayır. Maraqlanan və həvəsi olan şəxslər bu kurslarda iştirak edə bilərlər. Bu barədə Heydər Əliyev adına Tbilisi Dövlət Peşəkar Azərbaycan Dram Teatrının keçmiş aktyoru, “Era” teatrının bədii rəhbəri və rejissoru Anar Rafiqoğlu “Marneuli” radiosu ilə söhbəti zamanı məlumat verdi. Onun sözlərinə görə, kurslara 18 yaşı tamam olmuş hər kəs müraciət edə bilər. Kurslar Azərbaycan dilində keçiriləcək. Rafiqoğlunun dediyinə görə, kurslar üçün qeydiyyat onlayn formada həyata keçirilir və kursların müddəti üç ay olacaq.

“Qeydiyyatdan keçmək olduqca sadədir. Onlayn qeydiyyat formamızın linkinə daxil olaraq, cəmi 1-2 dəqiqə ərzində prosesi tamamlaya bilərlər. https://forms.gle/B9B9sAZaf716VzEC7
Kursumuzun müddəti həftədə iki gün olmaqla, ümumilikdə 3 ay davam edəcək”.

“Era” teatrının bədii rəhbərinin dediyinə görə, kurslar noyabr ayında başlayacaq və onun rəhbərliyi altında baş tutacaq. Onun dediyinə görə, təlimlər ödənişsiz həyata keçiriləcək.

“Heç bir ödəniş nəzərdə tutulmur. Əksinə, aktiv kurs üzvlərinə teatr və kino ilə bağlı kitablar, izləmələrini məsləhət gördüyümüz tamaşalara bilet hədiyyələri olacaq”.

Anar Rafiqoğlu uğurlarından və gələcək planlarından da danışdı.

“Era Teatrı” son bir ildə yüksək aktivlik nümayiş etdirir. Bir il ərzində 3 premyera, 1 bərpa tamaşası səhnələşdirib, 2 qastrol və 1 festivalda çıxış etmişik. Hazırda bir premyera və qastrol üzərində yenə çalışırıq. Tamaşalarımızın və layihələrimizin sayının artması heyətimizin genişlənməsini zəruri edir. Onsuz da bizim missiyamız bundan ibarətdir – yeni istedadlar, yeni gənclər kəşf etmək, onların teatr yönündən inkişafına təkan vermək və sonda səhnəyə çıxarmaq”, – Anar Rafiqoğlu bildirdi.

Rejissorun bildirdiyinə görə, teatr yaradıcılıq tələb edir və buna görə də hamı bu sahəyə maraq göstərə bilmir.

“Teatr özəl bir yaradıcılıq tələb edir. Bu səbəbdən hamı buraya maraq göstərə bilmir. Kimlərin ki, xəyalıdır səhnəyə çıxmaq və ya özlərində o istedadı hiss edirlər, məhz həmin gənclər bizə müraciət edirlər. Yəni bizim kurslara ingilis dili və ya riyaziyyat kursları qədər müraciət olunmur. Çünki ingilis dili və riyaziyyat kimi sahələri öyrənmək təhsildə və iş həyatında zəruridir. Bizim sahəyə isə ancaq xüsusi arzusu olanlar maraq göstərirlər. Bu kursların əsas məqsədi elə ondan ibarətdir ki, uğurla bitirən gəncləri daha sonra heyətimizə cəlb edib, onlara layihələrimizdə şans verək. Bu cür kurslar iki halda baş tutur: birincisi, tələb varsa, ikincisi, bizim ehtiyacımız varsa. Əgər bu iki faktordan biri yaranarsa, əlbəttə ki, gələcəkdə də kurslarımız davam edəcək”.

“Era” teatrının bədii rəhbərinin sözlərinə görə, onlarda kurs ideyası ilk dəfə 2019-cu ildə yaranıb. Amma həmin ildə onlar öz ideyalarını həyata keçirə bilməyiblər.

“Kurs ideyası ilk dəfə 2019-cu ildə yarandı. Hətta bir çox gənc qeydiyyatdan keçdi. Lakin daha sonra pandemiya səbəbindən kurslar təxirə salındı. 2020-ci ilin yayında ağır pandemiya şəraitində kurslarımızı yenidən bərpa etdik. 2021-ci ilə qədər aktiv davam edən kurslarımızı, daha sonra məkansız qaldığımız üçün istəməsək də, sonlandırmaq məcburiyyətində qaldıq”.

Anarın sözlərinə görə, əvvəlki illərdə kurslara 50-dən çox gənc qatılıb və həmin vaxtlarda kursları uğurla tamamlayan gənclər bəziləri hal-hazırda teatrın rəsmi üzvləridir və tamaşalarda yer alırlar. Anar Rafiqoğlunun dediyinə görə, kursların əsas hədəfi cəmiyyətdə incəsənət sahəsinə marağın artırılmasıdır.

“50-dən çox gənc bu günə kimi bizimlə birgə "Aktyorluq, teatr və kino" kurslarında özünü sınayıb. Kursu uğurla 27 gəncimiz tamamlayıb, səhnəyə çıxmağa isə kursu bitirənlər arasından 7 nəfər qadir olub. Hazırda komandamız 12 nəfərdən ibarətdir”.

Anar Rafiqoğlu onu da bildirdi ki, kursda öz bacarığı ilə fərqlənən tələbələr “Era Teatrı”nın film və tamaşalarında yer alacaqlar.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.