“Uşaq, Ailə, Cəmiyyət” Amerikanın dəstəyi ilə Marneuli bələdiyyəsində fiziki imkanları məhdud şəxslər ilə işləməyə başlayan ilk təşkilatdır. Həmin vaxt belə statusu olan şəxslər ilə işləmək bələdiyyə üçün yenilik idi. Təşkilat ilə birlikdə bu prosesə qoşulmaq isə lap yeni idi. Hər şey 2013-cü ildə başladı. Təşkilatın icraçı rəhbəri Quna Bibileişvili bildirir ki, çətin dövrdən keçiblər, təşviqat kampaniyaları aparıblar və meriyanı xidmətlərə ehtiyac olduğuna inandırıblar.

“Aydın oldu ki, bələdiyyənin heç nə məlumatı, nə də hazırlığı yox idi. Səmimi olaraq desəm, müəyyən etibarsızlıq var idi. Heç unutmuram, mer bu proqramı dəstəkləməyə artıq hazır idi, komanda üzvləri dedilər ki, bu təşkilat bacarmasa, bələdiyyədən çıxsa, o zaman təsəvvür edin, biz, meriya əməkdaşları necə xoşagəlməz vəziyyətə düşəcəyik. Çünki valideynlər artıq həvəslənəcəklər ki, işə başlanılacaq və bu, əksinə, mənfi təsir göstərəcək. Təsəvvür edin, belə nöqtədən işləməyə başladıq. Bələdiyyədə işləmək üçün üç şərt var idi. Biri uzunmüddətli perspektiv idi, bu, bir, yaxud iki aylıq olmalı deyildi, uzunmüddətli proqram olmalı idi. İkinci şərtə görə, biz yerli kadrları işlə təmin etməli idik və üçüncü şərt bizim bələdiyyənin maddi dəstəyindən rıçaq kimi faydalanmağımız idi”, – Quna Bibileişvili deyir.

Təşkilat 5 benefisiar ilə fəaliyyət başlayıb, Marneulinin demək olar bütün kəndlərini qapı-qapı gəziblər və ailələrə yardım təklif ediblər. Mərkəzin indi 100-ə yaxın benefisiarı gün mərkəzi və erkən inkişaf proqramına qoşulub. Bu Marneuli sakinləri üçün şəhərdən kənara çıxmadan faydalana biləcəkləri güzəştdir. Onlar 0-dan 7 yaşa qədər və 7 yaşdan 18 yaşa qədər müxtəlif ehtiyacı olan ailə üzvləri üçün bu xidmətlərdən yararlana bilərlər.


Mərkəzi Qızılhacılı kəndində, məktəb bazasında yerləşir. Quna Bibileişvili bildirir ki, xidmətlərin tam çatdırılmasında onlara donorlardan başqa yerli özünüidarə də kömək edir. Bələdiyyə hər il maddi yardım ayırır və ötən il bu 50 000 lari təşkil edib. Bibileişvili hesab edir ki, təşviqatın nəticəsi məhz budur. İllər ərzində addım-addım buna nail olublar və bələdiyyə ilə ortaqlı maliyyələşdirmə mexanizmini işə salıblar.

“Həqiqətən, deyə bilərik ki, bizim komandamız bələdiyyə, eləcə də əhali qarşısında aydındır. Biz yalnız bələdiyyənin vəsaiti ilə fəaliyyət göstərmirik. Bu gün bələdiyyənin maliyyə dəstəyi ilə təmir həyata keçirilir. Eləcə də Polşa hökumətinin dəstəyi də var. Bizdə birinci mərtəbə Polşa hökumətinin dəstəyi ilə təmir olundu. Almaniya hökumətinin dəstəyi da var və yerində yeni xidmət yaradırıq. Mərtəbələr çox idi. Çünki belə bir-iki dəqiqəyə nəyi isə asan yarada bilərsən, ancaq sonra həyata keçirmək uzun zaman, enerji, bilik tələb edəcək. Biz təşviqat kampaniyasını elə planlaşdırmışdıq ki, çoxsaylı dəstəkçi tapa bilək. Dəstək bu idi, qurumlar və həmkarlar ilə işləyirdik”, – Quna Bibileişvili bildirir.

Quna kimi Vətəndaş Bərabərliyi Platformasının rəhbəri Samirə İsmayılova da problemləri təşviqat yolu ilə həll edə bilib. O, Kvemo Kartli və Samtsxe Cavaxetidə bələdiyyə səviyyəsində az diqqət ayrılan xidmətlərin tətbiq edilməsi üzərində işləməyə başlayıb. Təşviqat yolu ilə yüzlərlə qadın reproduktiv sağlamlığının qayğısına qala bilib və bəzi bələdiyyələr ehtiyacları büdcə səviyyəsində nəzərə alıb. Marneuli də onlar arasındadır.

“Bilirik ki, bələdiyyələr ilə əməkdaşlıq olduqca çətindir. Kifayət qədər açıq deyillər ki, onlar ilə müxtəlif mövzularda açıq müzakirələrimiz olsun. Belə ümumi vəziyyətə baxmayaraq, “rus qanununu” qəbul edənə qədər olduqca adekvat əməkdaşlığımız var idi. Bizim təşkilatın əsas məqsədlərindən biri reproduktiv xidmətlər yaratmaq idi. Bir-iki kiçik dəyişiklik həmişə dövlət institutları ilə söhbətin əhəmiyyətli olmasına yaxşı nümunədir. Çünki biz, vətəndaşlar olaraq rollarımızı unutmamalıyıq, kim kimdir və kim kimə xidmət göstərməlidir. Əgər biz vətəndaş kimi tələb etməsək, təəssüf ki, bizim dövlətdə bəzi şeylər elə qurulub ki, hakimiyyətlər heç vaxt vətəndaşların real məlumatlandırılmasının, onların dövlət institutlarından necə yaxşı faydalana biləcəklərinin qayğısına qalmırlar. Nəyi isə bilməyəndə müvafiq olaraq heç kimi narahat etmirsən və işin daha az olur. Ona görə əhalinin təhsil alması, məlumatlandırılması üçün narahat olmurlar”, – Samirə İsmayılova bildirir.

Samirə deyir ki, Marneuli meriyası reproduktiv sağlamlıq istiqamətində bu il büdcədə 7 000 lari ayırıb. Özünüidarələrdə vəsait mənimsənilməyib, ancaq ümid edir ki, bələdiyyələr bu imkanı “dondurmayacaqlar”. O, düşünür ki, əksər hallarda real dəyişikliklər məhz təşviqat yolu ilə, müxtəlif qurumlarla ünsiyyət quraraq və problem yaradan səbəbləri tapmaqla başlayır.

“Təşviqat kampaniyalarının aparılması məhz bizə imkan yaradır ki, ola bilsin, biz problemi ilk baxışda səthi görürük və dərində, təşviqat kampaniyası zamanı ilk baxışda görünməyən spesifik məsələləri, səbəbləri aşkar edə bilərik. Bu proseslərə daha çoxşaxəli baxmalıyıq, bu proses ictimaiyyət, insanlar, təşkilatlar, dövlət institutlarının özü üçün çox mühümdür. Mən belə düşünürəm ki, əgər hər hansı məsələni həll etmək istəyin varsa, təşviqat kampaniyalarına çox açıq olmalısan”.

Quna və Samirənin təşəbbüsləri Marneuli bələdiyyəsində qeyri-hökumət təşkilatlarının dəstəyi ilə hazırlanmış və yaxşı layihəyə çevrilmiş tam siyahı deyil.

Bu kimi layihələri adətən Avropa İttifaqı maliyyələşdirir. Gürcüstan vətəndaşlarının can atdığı birlik. Məhz Gürcüstan vətəndaşları hakimiyyət tərəfindən şəffaflıq haqqında “rus qanununu” qəbul etməklə təhlükə altında düşən Avropa İttifaqına üzvlüyə namizəd statusunu əldə etdilər.

Bir çox beynəlxalq təşkilatların bildirdiyinə görə, qanun Avropa İttifaqına birləşmək perspektivini yerlə bir edib və mülki, müstəqil media sektorun inkişafının dayandırılmasına dəstək olur. Bu isə ölkədə söz və ifadə azadlığını məhdudlaşdıracaq.

Qanun avqustdan qüvvəyə minəcək. Amerika Birləşmiş Ştatları və Avropa İttifaqı artıq hökumətin müəyyən istiqamətlərində maliyyələşdirməni dayandırmağa başlayıblar. İnsan hüquqlarının müdafiəsi, təhsil, kənd təsərrüfatı, xidmətlərin təkmilləşdirilməsi, qadınların və uşaqların sağlamlığının qorunması, səhiyyə sahəsində maraqlarını davamlı olaraq maliyyələşdirən milyonluq maliyyə vəsaitləri təhlükə altındadır.

“Xarici qüvvədən maliyyələşdirilən təşkilat” statusunu könüllü qəbul edən təşkilatlar artıq öz ideyalarını həyata keçirə bilməyəcəklər, çünki hökumətin onlara qarşı dezinformasiya kampaniyası apardığını düşünən Avropa İttifaqı bu mühüm faydanın maliyyələşdirilməsini dayandıracaq.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---