Gürcüstan üzrə seçicilərin 90%-i elektron texnologiyalardan
istifadə edərək səs verəcək.
Buna baxmayaraq, elektron texnologiyalardan istifadə edərək səs
verəcək Marneuli seçicilərinin nisbəti 62,01 faizdir.
Parlament seçkilərində köhnə üsulla səs verəcək seçicilərin 10%-nin
tərkibinə 38 592 Marneuli seçicisi daxildir.
Marneulidə ümumilikdə 101 607 seçici qeydiyyatdadır – 63 015
seçici, 62,01% yeni elektron texnologiyalardan istifadə etməklə, 38
592 nəfər,
37,98% köhnə sistemlə səs verəcək.
Gürcüstan Mərkəzi Seçki Komissiyasının (MSK) mətbuat katibi Natia
İoseliani “Marneuli” radiosuna bildirib ki, elektron
texnologiyalardan istifadə olunmalı olan seçki məntəqələri bir neçə
meyar əsasında seçilib.
MSK-nın qərarına əsasən, seçki məntəqələrində köhnə qaydada
seçkilər aşağıdakı hallarda keçiriləcək:
- Seçki məntəqəsində 300-dən az seçici qeydə
alınıb;
- Seçki məntəqəsi Dairə Seçki Komissiyasından 20 kilometr
aralıda yerləşir;
Marneuli üzrə ümumilikdə 81 seçki məntəqəsi açılıb. Bunlardan 41
seçki məntəqəsində seçkilər elektron texnologiyalardan istifadə
edilməklə, 40 məntəqədə isə köhnə qaydada keçiriləcək.


Rəngləyin və dairəyə alın – bu çağırışları seçkiqabağı proses
zamanı tez-tez eşidəcəksiniz, lakin rəngləməklə seçim etmək hər kəs
üçün deyil. Köhnə üsulla səs verəcək seçicilər üçün isə seçki
prosesində yenilik yoxdur. Köhnə qaydada olduğu kimi, seçicilər
namizədi dairəyə alaraq səslərini verməlidirlər.
- Seçki məntəqəsinə gələrkən şəxsiyyət vəsiqənizi və
ya pasportunuzu özünüzlə gətirməlisiniz.
- Siz şəxsiyyət vəsiqənizi təqdim edəcəyiniz və
işarələmə yoxlamasından keçəcəyiniz axın nəzarətçisinin yanına
gedəcəksiniz.
- İşarələmə yoxlaması prosedurundan keçdikdən sonra
qeydiyyatçıya Gürcüstan vətəndaşının şəxsiyyət vəsiqəsi və ya
pasportunu təqdim edin.
- İşarələmədən keçin.
- Seçicilər siyahısında adınızın qarşısında
qeydiyyatçı masasında yerləşdirilmiş fərdi istifadə üçün qələmdən
istifadə edərək imza atın.
- Qeydiyyatçıdan möhürlənmiş və imzalanmış səsvermə
bülleteni alın
- Gizli səsvermə kabinəsində seçki bülletenində
seçdiyiniz bir seçki subyektini dairəyə alın
- Səsvermə kabinəsindən çıxdıqdan sonra xüsusi zərf
götürün və bükülmüş seçki bülletenini ora qoyun.
- Xüsusi zərfi seçki qutusuna qoyun və seçki
məntəqəsini tərk edin.
Seçkilərin köhnə qaydada keçirildiyi Marneulinin 40 seçki
məntəqəsindən 23-də 1000-dən çox seçici qeydə alınıb. Sadaxlı
kəndində açılan beş seçki məntəqəsinin hamısı seçicilərin sayının
1000 nəfəri ötdüyü 23 seçki məntəqəsi sırasındadır. Sadaxlı kəndi
Gürcüstanın ən böyük kəndlərindən biridir. Buna baxmayaraq, Sadaxlı
sakinləri köhnə üsulla səs verəcəklər, çünki kənd Marneuli Dairə
Seçki Komissiyasından 20 kilometrdən çox məsafədə yerləşir.
20 kilometrdən artıq məsafə olduğu üçün Sadaxlıda yaşayan 7425
seçici namizədi dairəyə alaraq yenidən səs verəcək.
Mərkəzi Seçki Komissiyasının mətbuat katibi Natia İoseliani izah
edir ki, bütün Gürcüstanda etnik azlıqların sıx məskunlaşdığı
bölgələrdə 308 seçki məntəqəsi açılıb. Onlardan 183-də gürcü və
azərbaycan dillərində, 121-də gürcü və erməni dillərində, 4-də
gürcü, erməni və azərbaycan dillərində seçki bülleteni olacaq.
Qeyd olunan 308 seçki məntəqəsindən 166-da səsvermə elektron
texnologiyalardan istifadə etməklə, 142-də isə ənənəvi üsulla
keçiriləcək.
Beynəlxalq Şəffaflıq Gürcüstan Seçki Layihəsinin koordinatoru Qiqi
Çixladze “Marenuli” radiosuna bildirdi ki, indiki mərhələdə
seçkilərin elektron texnologiyalarla keçirilməsinin
çatışmazlıqlarından danışmaq çətindir, çünki bu il ilk dəfə belə
seçkilər keçiriləcək. bütün Gürcüstanda bu şəkildə keçirilir. O,
hesab edir ki, seçkilərin elektron texnologiyalarla keçirilməsi
saxtakarlıq risklərini azaldır, lakin risk baxımından köhnə və yeni
sistemlə seçkilərin keçirilməsi arasında ciddi fərq yoxdur.
Qiqi Çixladzenin sözlərinə görə, seçkilərin köhnə qaydada
keçirilməsi ilə bağlı risklər hələ də qalmaqdadır. Seçki
saxtakarlığının ən geniş yayılmış üsullarından bəziləri hələ də
istifadə oluna bilər. Bu üsullar bunlardır:
- İşarələmə etməmək;
- Seçici siyahısının düzgün yoxlanılmaması –
başqasının adından səs vermə riski var;
- Karusel riski;
- Seçicilərə və başqalarına nəzarət və təzyiq
riski.
Gürcüstanda Parlament seçkiləri 26 oktyabr tarixində keçiriləcək.
Seçkilərdə 5% və daha çox səs toplayan partiyalar Parlamentdə yer
qazana biləcək.
MSK-nın mətbuat katibi bildirir ki, elektron texnologiyalardan
istifadə edilən səsvermə ilə əlaqədar bütün Gürcüstan üzrə
seçkilərin ilkin nəticələri qısa müddət sonra məlum olacaq.
Vətəndaşlar ilkin nəticələri seçkilər bitdikdən 1-2 saat sonra,
oktyabrın 26-sı saat 20:00-dan sonra biləcəklər.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415