USAID yeni proqrama başlayır. Proqramı Gürcüstan BMT Assosiasiyası
tərəfdaş təşkilatlarla birlikdə USAID-in maliyyə dəstəyi ilə həyata
keçirir.
"Birlik Rəngarənglikdədir" – rəsmi açılışında Amerika Birləşmiş
Ştatlarının səfiri Keli Deqnanın iştirak etdiyi layihə belə
adlanır. Onun mətbuat ilə söhbəti zamanı bildirdiyinə görə, proqram
20 milyon dollar dəyərindədir və etnik, dini azlıqların
gücləndirilməsini nəzərdə tutur.
"Etnik azlıq nümayəndələrinin ölkənin firavanlığı və
inkişafında iştirak etməsini nəzərdə tutan proqram əsrlik ənənəni
davam etdirməyə yönəlib. Gürcüstanın bu baxımdan çox böyük
zənginliyi var. Gürcüstanın müxtəlif azlıq nümayəndələrinin
Gürcüstanın inkişafında iştirak etməsi, onun xəzinəsini qoruması,
ictimaiyyətin iqtisadi, yaxud ölkənin başqa yöndə inkişafı ilə
bağlı uzun əsrlik ənənəsi var. Bu layihə çərçivəsində əlbəttə,
hökumət, vətəndaş cəmiyyəti, yerli tərəfdaşlarla əməkdaşlıq olacaq
ki, etnik, dini azlıq nümayəndələrinə ictimai həyatın inkişafında
iştirak etmək əlçatan olsun. Öz ideyalarını, fikirlərini fəal
olaraq səsləndirsinlər və ölkənin ictimai, iqtisadi və ya sosial
inkişafında iştirak etsinlər”, – Keli Deqnan
bildirib.
USAID-in “Birlik Rəngarənglikdədir” adlı yeni proqramının rəsmi
açılışı Tbilisidə baş tutub. Proqramın açılışında beynəlxalq və
qeyri-hökumət təşkilatı nümayəndələri, Barış və Vətəndaş
Bərabərliyi Məsələləri üzrə Dövət naziri, Marneulidə işləyən
qeyri-hökumət təşkilatları, başqa dəvət edilmiş qonaqlar iştirak
ediblər.