Marneuli meriyasının veb-səhifəsinin bərpa ediləcəyi konkret vaxt yenə də məlum deyil. Bir aydan artıqdır ki, sayt tam söndürülüb və fəaliyyət göstərmir. 31 iyul tarixində, özünüidarədən “Marneuli” radiosuna bildiriblər ki, sayt tezliklə işləyəcək, ancaq həmin vaxtdan bir ay ötüb və sayt işləmir. Veb-səhifəni “Proservis” MMC yaradır.

Şirkət nümayəndələri bizimlə söhbət zamanı bildirirlər ki, onlar meriyadan asılıdırlar və meriya servislərin yerləşdirilməsi üçün yerlərə qərar verməlidir.

Təfərrüatları müəyyən etmək üçün meriyanın İctimaiyyətlə Əlaqələr Şöbəsinin rəhbəri Davit Çikadze ilə əlaqə saxladıq. O, bildirdi ki, saytın yenilənməsi işləri yekun mərhələdədir, xidmətin yerləşdirilməsi ilə əlaqədar danışıqlar aparılır, ancaq saytın bərpasının konkret vaxtını qeyd etmirlər.

“İşləyirik, sayt yenilənmə prosesindədir, artıq demək olar yekundayıq və tezliklər yenilənmiş sayt olacaq”, – Davit Çikadze bildirib.

Yerli özünüidarə saytın söndürülməsi haqqında sosial şəbəkədə məlumat yerləşdirməyib.

Yerli özünüidarə yeni saytın yaradılmasını sadələşdirilmiş qaydada həyata keçirir. Bunun üçün “Proservis” MMC-yə 7 500 lari ödəyib.

Müqavilənin texniki tapşırığına görə, saytın dizaynında bələdiyyənin loqosu və adı yer almalıdır. Eləcə də sayt gürcü və ingilis dilləri arasında keçid funksiyasına malik olmalıdır.

Meriyanın yenilənmiş saytında görə biləcəklərinizi sizə təqdim edirik:

• Mətn səhifəsi (meriya, Bələdiyyə Məclisi haqqında)
• Görməli yerlər
• Bələdiyyənin, meriya və Bələdiyyə Məclisi əməkdaşlarının modulu
• Bələdiyyə xidmtələri
• Fərmanlar
• İclas protokolları
• Müsabiqələr
• Hesabatlar
• Yeniliklər
• Bürolar
• Komissiyalar
• Fraksiyalar
• Sosial proqramlar
• Müraciətlər
• Foto qalereya
• Video qalereya
• Əlaqə

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---