Marneuli meriyası 10 ədəd Gürcüstan bayrağının alınmasına 12 500 lari xərcləməyi planlaşdırır.

Meriya 17 dekabr tarixində Gürcüstanın dövlət bayraqlarının alınması üçün tender elan edib.

Özünüidarə müxtəlif ölçülü bayraqlar alacaq:

• 5 ədəd bayraq - 4mX6m
• 5 ədəd bayraq - 10mX15m

Tender sənədlərinə əsasən, asma (xarici istifadə üçün) parça: paraşüt materialından hazırlanmalıdır.

“Bayraq dörd tərəfdən 10 sm

enində bərk parça, rəqəmsal çap, sublimasiya, nüfuzedici, ən yüksək keyfiyyət - Avropa standartı ilə tikilməlidir; Bayrağın sol tərəfində şaquli şəkildə tikilmiş ştapellər olmalıdır. Bayraq və bayrağın rəngi dövlət standartına uyğun olmalı, soyulmamalı, yuyulmamalı və güclü küləyə davamlı olmalıdır. Dəmir bəndlərin diametri ən az 5 sm olmalı, bəndlərin sayı alıcı ilə razılaşdırılacaq. Parçanın çəkisi 1 kv. m-ə 120 q-dan az olmamamlıdır”, – sənədlərdə qeyd olunub.

Tenderdə iştirak etmək istəyən şirkətlər 24-26 dekabr tarixlərində təkliflərini təqdim edə bilərlər.

Qalib müqavilə imzalandıqdan sonra 40 gün ərzində bayraqları meriyaya təhvil verməlidir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---