Hakim Manuçar Tsatsua əlilliyi olan Duta Cavaxişvilini inzibati xəta törətməkdə təqsirli bilib və onu 5000 lari məbləğində cərimələyib.

Qanun əlilliyi olan şəxslər üçün həbs cəzası əvəzinə 5000 lari məbləğində cərimə nəzərdə tutur.

Daxili İşlər Nazirliyi Duta Cavaxişvilini 7 fevral tarixində yolun hərəkət hissəsini bağlamaqda ittiham edirdi.

“Əlilliyi olan şəxsin törətdiyi əməli dərk edib-etmədiyini müəyyən etmək üçün” hakimin qərarı ilə məhkəmə prosesinə həkimlər çağırılıb və dindirilib. Son məhkəmə iclasında isə Samxarauli Ekspertiza Bürosunun eksperti dindirilib. Həkimlərin dindirilməsi ilə bağlı prosesin bir hissəsi ictimaiyyət üçün qapalı keçirilib.

Həm Duta Cavaxişvilinin özü, həm də onun vəkilləri hesab edirlər ki, hakimin həkimlərin dindirilməsi ilə bağlı qərarı ayrı-seçkilik xarakteri daşıyır.

Cavaxişvilinin vəkili Tamar Qabodzenin sözlərinə görə, onlar ekspertin prosesdən kənarlaşdırılması barədə vəsatət qaldırıblar, çünki vəkillərin fikrincə, buna nə ehtiyac var idi, nə də hüquqi əsas. Lakin hakim onların vəsatətini təmin etməyib.

“Ümumilikdə bu tendensiya ayrı-seçkilik xarakterlidir və qəbuledilməzdir. Məhkəmənin insanların sağlamlıq vəziyyəti ilə bu şəkildə davranması, hansı eksperti nə vaxt çağıracağını və hansı ekspertlə şəxsi məlumatları paylaşacağını özü müəyyən etməsi yolverilməzdir. Bunun tamamilə başqa hüquqi standartları olmalıdır. Şəxsin hüquqi mənada öz hərəkətlərini dərk etməsi məsələsi cinayət-prosessual qanunvericiliklə müəyyən olunur. Bunun üçün çox aydın və ciddi meyarlar tələb olunur və bu, ümumiyyətlə, hakimin səlahiyyətinə aid məsələ deyil,” — deyə Tamar Qabodze izah edib.

Dünən, 14 may tarixində məhkəmə əlilliyi olan başqa bir şəxslə bağlı da səkini bağlama ittihamı üzrə qərar elan edib.

Hakim Tornike Kapanadze Davit Papaşvilinin əleyhinə açılmış səkini bağlama işi üzrə icraata xitam verib.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.