Daxili İşlər Nazirliyinin bu saatlar üçün dərc etdiyi cinayət xəbərləri

Tbilisidə avtomobil oğurluğuna görə əvvəllər dəfələrlə məkum olunmuş şəxs saxlanılıb

Daxili İşlər Nazirliyinin Tbilisi Polis Departamentinin İsani-Samqori Baş Polis İdarəsinin əməkdaşları nəqliyyat vasitəsini oğurlamaqda şübhəli bilinən, əvvəllər dəfələrlə məkum olunmuş və hazırda şərti cəza çəkən bir şəxsi saxlayıblar.

İstintaqla müəyyən edilib ki, təqsirləndirilən şəxs nəqliyyat vasitəsini qanunsuz olaraq ələ keçirərək hadisə yerindən qaçıb. Hüquq-mühafizə orqanlarının əməkdaşları cinayət yolu ilə ələ keçirilmiş mikroavtobusun yerini elə həmin gün Kaxeti bölgəsinin bələdiyyələrindən birində müəyyən edərək onu maddi sübut kimi götürüblər.

Polis isti izlərlə keçirilmiş əməliyyat-axtarış və istintaq tədbirləri nəticəsində cinayəti törədən şəxsi təqsirləndirilən şəxs qismində saxlayıb.

İstintaq Cinayət Məcəlləsinin 177-ci maddəsinin 3-cü hissəsinin “d” bəndi ilə aparılır ki, bu da 7 ilədək müddətə azadlıqdan məhrumetmə cəzasını nəzərdə tutur.



Dələduzluq və saxta sənəd hazırlayıb istifadə etməkdə şübhəli bilinən yalançı vəkil saxlanılıb

Daxili İşlər Nazirliyinin Tbilisi Polis Departamentinin İstintaq Baş İdarəsinin Dələduzluqla Mübarizə İdarəsinin və Detektivlər Baş İdarəsinin əməkdaşları külli miqdarda vəsaiti dələduzluq yolu ilə ələ keçirmə, saxta rəsmi sənəd hazırlama və istifadə etmə ittihamı ilə bir şəxsi saxlayıblar.

Hüquq-mühafizə orqanlarının əməkdaşları tərəfindən iş üzrə komplekt şəkildə aparılmış istintaq tədbirləri nəticəsində müəyyən olunub ki, təqsirləndirilən şəxs özünü xarici ölkə vətəndaşlarına vəkil kimi təqdim edib. O, Gürcüstanda yaşamaq və işləmək hüququ əldə etmək üçün sənədlərin hazırlanmasında köməklik göstərmək müqabilində həmin şəxslərdən 58 000 lari alıb, lakin vədinə əməl etməyərək həmin məbləği dələduzluq yolu ilə mənimsəyib.

Zərərçəkənlər narazılıqlarını bildirdikdən sonra təqsirləndirilən şəxs saxta bank köçürmə sənədi hazırlayıb və həmin sənəddən istifadə edərək zərərçəkənləri güya məxsus olan pulu geri qaytardığına inandırmağa cəhd göstərib.

Hüquq-mühafizə orqanlarının əməkdaşları təqsirləndirilən şəxsi hakim qərardadı əsasında saxlayıblar.

İstintaq Cinayət Məcəlləsinin 180-ci və 362-ci maddələri ilə aparılır ki, bu da 9 ilədək müddətə azadlıqdan məhrumetmə cəzasını nəzərdə tutur.



Genişmiqyaslı narkoəməliyyat: 7 şəxs saxlanılıb, külli miqdarda narkotik vasitə və odlu silah götürülüb

Daxili İşlər Nazirliyinin Mərkəzi Kriminal Polis Departamentinin əməkdaşları narkocinayətdə şübhəli bilinən 7 şəxsi saxlayıblar. Xüsusilə külli miqdarda narkotik vasitələri və psixotrop maddələri qanunsuz əldə etmə-saxlama, satışına şərait yaratma, habelə tərkibində narkotik maddələr olan bitkiləri qanunsuz becərmə ittihamı ilə həm Gürcüstan, həm də xarici ölkə vətəndaşları saxlanılıblar.

Hüquq-mühafizə orqanlarının əməkdaşları təqsirləndirilən şəxslərin üzərində və müvəqqəti yaşayış evlərində keçirilmiş axtarışlar, habelə onların göstərdikləri yerlərdən satış üçün hazırlanmış xüsusilə külli miqdarda müxtəlif növ narkotik vasitə və psixotrop maddələri, o cümlədən: “mefedron”, “metadon”, 4 kiloqramadək “marixuana”, 21 kol “çətənə” bitkisi və 323 həb “preqabalin”i maddi sübut kimi götürüblər.

Saxlanılanlar arasında elə şəxslər var ki, onların ifşa olunması məqsədilə polis adlarına göndərilmiş bağlamaların əvəzlənməsini həyata keçirib və xüsusilə külli miqdarda narkotik vasitələri müsadirə edib.

İstintaq tədbirləri nəticəsində hüquq-mühafizə orqanlarının əməkdaşları tərəfindən narkotik vasitələrin qablaşdırılması üçün lazım olan materiallar və odlu silah da götürülüb.

İstintaq Cinayət Məcəlləsinin 260, 260-cı dörddəbir, 19-260, 261, 265-ci prim, 273-cü və 236-cı maddələri ilə aparılır ki, bu da 20 ilədək və ya ömürlük azadlıqdan məhrumetmə cəzasını nəzərdə tutur.