Qiorqi Baramidze məhkəmənin qərarı ilə həbsdə saxlanılıb

“Vahid Milli Hərəkat”ın liderlərindən biri Qiorqi Baramidze hakim Eka Barbakadzenin qərarı ilə qətimkan tədbiri olaraq həbs edilib.



Məhkəmə prosesi sentyabrın 12-də Tbilisi Şəhər Məhkəməsində keçirilib.

Keçmiş yüksək vəzifəli şəxs sentyabrın 11-də axşam saatlarında öz evində saxlanılıb. O, Cinayət Məcəlləsinin 307¹ və 318-ci maddələrinə uyğun olaraq “vətənə xəyanət” və “təxribat” ittihamları ilə saxlanılıb.

Sözügedən ittihamlar 4 ilədək
müddətə azadlıqdan məhrumetməni nəzərdə tutur.

Cinayət Məcəlləsinə “vətənə xəyanət” maddəsini “Gürcü Arzusu” 2025-ci ildə geri qaytarıb.

Saxlanılan şəxsin vəkili Beka Basilaianın sözlərinə görə, həbs qətimkan tədbirinin seçilməsi siyasi sifariş və qanunsuz qərardır.

“Qia Baramidzenin ittiham olunması üçün heç bir əsas yoxdur. Prokurorluğun şərh etdiyi bəyanat belə təxribat cinayətinin tərkibini yaratmır. Yəni prokurorluğun dediklərini insan hətta həqiqət kimi qəbul etsə belə, bu, cinayət əməli tərkibi yaratmır”, – vəkil məhkəmə iclasından sonra media nümayəndələrinə bildirib.

Beka Basilaia deyib ki, “Gürcü Arzusu” hakimiyyəti nümayəndələrinin bəyanatları Gürcüstanın maraqlarına zərər vurur. O, buna misal olaraq “Bidzina İvanişvilinin bizim günahkar olduğumuzu və abxazlardan və osetinlərdən üzr istəməli olduğumuzu bildirməsini”, həmçinin “İrakli Kobaxidzenin 7-də Tsxinvalini artilleriya atəşi ilə bombaladığımız və bunun ardınca rusların daxil olduğu barədə bəyanatını” göstərib.

“İrəli sürülmüş ittiham dövlət institutlarının normal fəaliyyət göstərməsinə, normal şəkildə funksiyalarını yerinə yetirməsinə mane olmağı nəzərdə tutur. Hazırkı cinayət işi üzrə müxtəlif dövlət qurumlarının nümayəndələrinin dindirilmə protokolları kimi sübutlar təqdim olunub və həmin dindirmə protokollarında ittiham barədə qərarda əksini tapmış hallar ətraflı şəkildə göstərilib”, – prokuror Tamar İakobidze məhkəmə iclasından sonra jurnalistlərə bildirib və dindirilənlər arasında “Xarici İşlər Nazirliyinin və Barışıq və Vətəndaş Bərabərliyi Aparatının səlahiyyətli nümayəndələrinin” olduğunu təsdiqləyib.

İstintaqın məlumatına görə, irəli sürülmüş ittihamlar müxalifətçi siyasətçinin iyulun 18-də “Gürcüstanın doğuluşu” verilişində səsləndirdiyi bəyanatlarla bağlıdır.
“Qiorqi Baramidzenin yaydığı məlumat əsassız və uydurmadır, məqsədyönlü, ideoloji-informasiya xarakteri daşıyır və Gürcüstanın dövlət və milli maraqlarına, xarici təhlükəsizliyinə, müdafiə qabiliyyətinə və dövlət institutlarına zərər vurmağa xidmət edir”, – prokurorluq sentyabrın 11-də bildirib.

İaqo Xviçianın verilişində Qiorqi Baramidze Abxaziya müharibəsi zamanı əsirlərin dəyişdirilməsi məsələsinə toxunub, əsir götürülmüş gürcüləri azad etmək üçün Suxumiyə necə getdiyini xatırladıb və bildirib ki, əsirlərin dəyişdirilməsi çətinləşib, çünki “bizim əsirlərimiz yox idi. Bizimkilər əsir götürmürdülər”.

– Xviçia: “Bəs qarşı tərəfdə də eyni şey baş vermirdi?”
– Baramidze: “Orada intizam var idi. Çünki orada rus intizamı var idi və onlar əsir götürürdülər”.

Daha sonra Qiorqi Baramidze bir neçə açıqlama verib və bildirib: “Mən deməmişəm ki, biz əsir götürürdük və sonra onları güllələyirdik”.

Vəkil Beka Basilaianın sözlərinə görə, Baramidze sonda açıq şəkildə izah edib ki, “söhbət əsir götürülmüş və ya təslim olmağa hazır olan şəxsin güllələnməsindən getmirdi. Söhbət ondan gedirdi ki, hərbi əməliyyatlar elə aparılırdı ki, əvvəlcə əsir götürülməsi planlaşdırılmırdı, xüsusilə də mahiyyət etibarilə ərazi müdafiə qüvvələri olan bölmələr tərəfindən”.

İaqo Xviçianın verilişində səsləndirdiyi bəyanatlara görə Qiorqi Baramidze müxalif mövqeli şəxslər arasında da kəskin tənqid olunub. Lakin sərt tənqid edənlər üçün belə siyasətçinin vətənə xəyanətdə ittiham olunması ağlasığmazdır.

 

Mənbə: radiotavisupleba.ge


Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!
Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

 


Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:

# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.



 

Print Email
FaceBook Twitter Google