Avlabaridəki saray Saakaşvilinin deyil, Gürcüstan prezidentinin sarayı idi – Qiqa Bokeria
15:11 / 09.04.2019
Bu
Saakaşvilinin deyil, Gürcüstan prezidentinin sarayı idi – bu barədə
“Avropalı Gürcüstan”
partiyasının liderlərindən biri Qiqa Bokeria
Avlabaridəki prezident iqamətgahının funksiyasının dəyişdirilməsi
məsələsini dəyərləndirərkən bildirib.
Bokerianın bildirdiyinə görə, “iqtidar komandasının keçmiş
hakimiyyətlə əlaqələndirdiyi bütün simvollara bir növ hücumu”
gülünc və utancvericidir.
“Onların fikrincə keçmiş hakimiyyətlə
əlaqələndirdikləri simvollara qarşı xaç yürüşünə bənzər hücumları
utancverici və eyni zamanda gülüncdür. Real olaraq bu dövlət
institutlarının simvolu idi. Bu Saakaşvilinin deyil, Gürcüstan
prezidentinin sarayı idi. Bunların belə axmaq və utancverici
məsələdə belə ikili standartları var və bu da İvanişvilinin
komandasının qeyri-səmimiliyinin və ikiüzlülüyünün daha bir
əlamətidir”, – Qiqa Bokeria bildirib.
Qeyd edək ki, prezidentin mətbuat katibi, Xatia Moistsrapişvilinin
məlumatına görə, prezident, hakimiyyət və Parlament arasındakı
razılaşmaya əsasən keçmiş prezident sarayı üçün yeni funksiya
müəyyən edilib və o dövlət tədbirləri sarayı olub.
“Gürcüstan prezidenti, hakimiyyət və Parlament
arasındakı razılaşmaya əsasən Abduşelişvili küçəsində yerləşən
prezident sarayı üçün yeni funksiya müəyyən edilib – bu dövlət
tədbirləri sarayıdır. Hakimiyyət müvafiq sərəncam
verəcək”, – Xatia Moistsrapişvili “Interpressnews”a
bildirib.